қонунҳои ҶТ
Қонуни Ҷумҳурии Тоҷикистон
ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ МУРОФИАВИИ ИҚТИСОДИИ ҶУМҲУРИИ ТОҶИКИСТОН
Моддаи 1. Ба Кодекси мурофиавии иқтисодии Ҷумҳурии Тоҷикистон, ки бо Қонуни Ҷумҳурии Тоҷикистон аз 5 январи соли 2008 қабул шудааст (Ахбори Маҷлиси Олии Ҷумҳурии Тоҷикистон, с. 2008, №1, қ. 1, мод. 4, мод. 5; с. 2011, №12, мод. 840; с. 2012, №7, мод. 719; с. 2013, №3, мод. 180; с. 2015, №11, мод. 954), тағйиру иловаҳои зерин ворид карда шаванд:
1. Аз матни моддаи 1, матни моддаи 3, қисмҳои 1 ва 3 моддаи 5, қисмҳои 1 - 3 моддаи 13 ва сархати панҷуми моддаи 288 калимаҳои «(Сарқонуни)» ва «(Сарқонун)» хориҷ карда шаванд.
2. Дар қисмҳои 1 ва 4 моддаи 16, сархати дуюми қисми 2 моддаи 33, қисмҳои 2 ва 3 моддаи 35, қисми 1 моддаи 72, қисми 3 моддаи 210, сархати панҷуми қисми 2 моддаи 218, сархатҳои якум - шашум ва ҳаштум - даҳуми қисми 1 моддаи 226, сархатҳои дуюм ва панҷуми қисми 1 моддаи 227 ва қисми 2 моддаи 232 калимаҳои «қаламрави» «қаламраваш» мувофиқан ба калимаҳои «ҳудуди» ва «ҳудудаш» иваз карда шаванд.
3. Дар қисми 6 моддаи 56, қисми 3 моддаи 129, қисми 4 моддаи 247 ва қисми 4 моддаи 251 калимаи «ҳақ» ба калимаи «ҳуқуқ» иваз карда шавад.
4. Аз қисми 1 моддаи 59 калимаҳои «, кормандони Шӯрои адлияи Ҷумҳурии Тоҷикистон» хориҷ карда шаванд.
5. Моддаи 1861 бо мазмуни зерин илова карда шавад:
«Моддаи 1861. Таъйиноти хусусӣ
1. Ҳангоми муайян кардани ҳолатҳои қонунвайронкунӣ, суд ҳуқуқ дорад таъйиноти хусусӣ қабул карда, онро ба ташкилот ва шахсони мансабдори дахлдор ирсол намояд, ки онҳо уҳдадоранд дар муҳлати як моҳ аз тадбирҳои андешидаашон ба суд иттилоъ диҳанд.
2. Агар ҳангоми баррасии парванда суд дар амали тарафҳо, дигар иштирокчиёни мурофиа, шахси мансабдор ё дигар шахс аломати ҷиноятро ошкор намояд, маводи дахлдорро барои оғоз намудани парвандаи ҷиноятӣ нисбат ба қонунвайронкунанда ба мақомоти прокуратура ирсол менамояд.
3. Нисбат ба таъйиноти хусусӣ шахсони иштирокчии парванда ва шахси нисбаташ таъйиноти хусусӣ қабулгардида метавонанд шикояти хусусӣ пешниҳод намоянд.».
6. Қисми 5 моддаи 249 хориҷ карда шавад.
7. Моддаи 2501 бо мазмуни зерин илова карда шавад:
«Моддаи 2501. Таъйиноти хусусии суди марҳилаи кассатсионӣ
Суди марҳилаи кассатсионӣ дар ҳолатҳои пешбининамудаи моддаи 1861 Кодекси мазкур ҳуқуқ дорад таъйиноти хусусӣ қабул намояд.».
Моддаи 2. Қонуни мазкур пас аз интишори расмӣ мавриди амал қарор дода шавад.
Президенти
Ҷумҳурии Тоҷикистон Эмомалӣ РАҲМОН
ш. Душанбе, 30 майи соли 2017, № 1420
ҚАРОРИ
Маҷлиси намояндагони
Маҷлиси Олии Ҷумҳурии Тоҷикистон
Оид ба қабул кардани Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси мурофиавии иқтисодии Ҷумҳурии Тоҷикистон»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси мурофиавии иқтисодии Ҷумҳурии Тоҷикистон» қабул карда шавад.
Муовини якуми Раиси Маҷлиси
намояндагони Маҷлиси Олии
Ҷумҳурии Тоҷикистон А. АЗИЗӢ
ш. Душанбе, 21 апрели соли 2017, № 740
ҚАРОРИ
Маҷлиси миллии
Маҷлиси Олии Ҷумҳурии Тоҷикистон
Оид ба Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси мурофиавии иқтисодии Ҷумҳурии Тоҷикистон»
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси мурофиавии иқтисодии Ҷумҳурии Тоҷикистон»-ро баррасӣ намуда, қарор мекунад:
Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси мурофиавии иқтисодии Ҷумҳурии Тоҷикистон» ҷонибдорӣ карда шавад.
Раиси Маҷлиси миллии
Маҷлиси Олии Ҷумҳурии Тоҷикистон М. УБАЙДУЛЛОЕВ
ш. Душанбе,18 майи соли 2017, № 400
Баёни ақида (0) Санаи нашр: 03.06.2017 №: 114-117 Мутолиа карданд: 2970
