энергетика
ТАҶДИДИ НБО-И "САРБАНД" ОҒОЗ ШУД
Дар мамлакат 11 лоиҳаи давлатии сармоягузорӣ дар соҳаи энергетика ба маблағи умумии 10 миллиард сомонӣ татбиқ шуда истодааст. Оғоз гардидани таҷдиду азнавсозии НБО - и «Сарбанд» ба маблағи 1,1 миллиард сомонӣ аз ин зумра мебошад.
Нурмаҳмад Холназаров, директори Неругоҳи барқи обии «Сарбанд», иброз дошт, ки бо ташаббусу дастгирии бевоситаи Асосгузори сулҳу ваҳдати миллӣ - Пешвои миллат, Президенти кишвар муҳтарам Эмомалӣ Раҳмон марҳилаи аввали татбиқи лоиҳаи «Барқарорсозии Неругоҳи барқи обии «Сарбанд» бо иқтидори 240 мВт» оғоз гардид. Муҳлати татбиқи лоиҳа то соли 2020 мебошад. Айни замон корҳои ибтидоии сохтмонӣ сар шудаанд.
Талабот ба неруи барқ дар мамлакат баробари афзудани шумораи аҳолӣ ва корхонаҳои саноатӣ пайваста меафзояд. Ҳукумати Ҷумҳурии Тоҷикистон ба таври устувору доимӣ бо неруи барқ таъмин намудани аҳолӣ ва корхонаю муассисаҳоро яке аз ҳадафҳои асосии худ қарор додааст.
Шаҳбоз АБРОР, «Ҷумҳурият»
Баёни ақида (0) Санаи нашр: 10.06.2017 №: 122 Мутолиа карданд: 17560
