барқияҳо
Барқияи шодбош ба унвони раиси Ҷумҳурии Озарбойҷон Илҳом Алиев
16 октябр Президенти Ҷумҳурии Тоҷикистон Эмомалӣ Раҳмон ба унвони раиси Ҷумҳурии Озарбойҷон Илҳом Алиев барқияи шодбош фиристод, ки дар он аз ҷумла гуфта мешавад:
«Мӯҳтарам Илҳом Ҳайдарович, лутфан табрикоти самимонаи маро ба муносибати бори дигар ба мансаби олии раиси Ҷумҳурии Озарбойҷон интихоб шуданатон қабул фармоед.
Пирӯзии дубораи Шумо дар интихобот ба ин мансаби олӣ шаҳодати боварию эътимод ва сиёсате мебошад, ки таҳти роҳбарии хирадмандонаи Шумо ба гулгулшукуфоии Ҷумҳурии бародарии Озарбойҷон ва беҳтар сохтани шароити зиндагии мардуми он дар арсаи байналмилалӣ равона карда шудааст.
Дар Тоҷикистон Шуморо ҳамчун ҷонибдори густариши ҳамкориҳо байни кишварҳоямон, ки решаҳои амиқи таърихӣ доранд, эътироф мекунанд. Боварии комил дорам, ки ҳамкориҳои гуногунҷанбаи Тоҷикистон ҷавобгӯи манфиатҳои мардуми ҳар ду кишвар мебошанд ва дар оянда низ тавсеа хоҳанд ёфт. Мо омода ҳастем, ки баҳри татбиқ намудани ин амал тамоми тадбирҳои заруриро биандешем.
Мӯҳтарам ҷаноби раис, Ҳайдар Алиев, аз ин фурсати мусоид истифода бурда, ба Шумо сиҳатӣ ва саломатӣ ва комёбиҳо дар фаъолияти минбаъдаатон орзу менамоям».
Баёни ақида (0) Санаи нашр: №: Мутолиа карданд: 9884
