қонунҳои ҶТ
ҚОНУНИ ҶУМҲУРИИ ТОҶИКИСТОН
ОИД БА ВОРИД НАМУДАНИ ТАҒЙИРУ ИЛОВАҲО
БА ҚОНУНИ ҶУМҲУРИИ ТОҶИКИСТОН
«ДАР БОРАИ РӮЗҲОИ ИД»
Моддаи 1. Ба моддаи 2 Қонуни Ҷумҳурии Тоҷикистон аз 2 августи соли 2011 «Дар бораи рӯзҳои ид» (Ахбори Маҷлиси Олии Ҷумҳурии Тоҷикистон, с. 2011, № 7-8, мод.608; с. 2012, № 7, мод. 684, № 12, қ. 1, мод. 1011, мод. 1012; с. 2014, № 7, қ. 2, мод. 401; с. 2015, № 3, мод. 209, № 7-9, мод. 706; с. 2016, № 5, мод. 371, № 7, мод. 619, № 11, мод. 878; с. 2017, № 1-2, мод. 13, № 5, қ. 1, мод. 294) тағйиру иловаҳои зерин ворид карда шаванд:
- сархати панҷум бо мазмуни зерин илова карда шавад:
«- Иди Сада – 30 январ;»;
- сархати нуҳум хориҷ карда шавад;
- сархати бисту нуҳум дар таҳрири зерин ифода карда шавад:
«- Рӯзи кормандони соҳаи кимиё – якшанбеи охири моҳи май;»;
- сархати сиву ҳаштум дар таҳрири зерин ифода карда шавад:
«- Рӯзи кормандони соҳаи металлургӣ – якшанбеи сеюми моҳи июл;»;
- сархати чилум дар таҳрири зерин ифода карда шавад:
«- Рӯзи кормандони хадамоти оташнишонӣ – 30 июл;»;
- сархати чилу ҳафтум дар таҳрири зерин ифода карда шавад:
«- Рӯзи кормандони соҳаи истихроҷи ангишт – якшанбеи охири моҳи август;»;
- сархати шастум дар таҳрири зерин ифода карда шавад:
«- Рӯзи кормандони соҳаи мошинсозӣ – якшанбеи охири моҳи сентябр;»;
- сархати шасту дуюм дар таҳрири зерин ифода карда шавад:
«- Рӯзи пиронсолон – 1 октябр;»;
- сархати шасту панҷум хориҷ карда шавад;
- аз сархати шасту ҳафтум калимаҳои «ва суд» хориҷ карда шаванд;
- сархати шасту нуҳум бо мазмуни зерин илова карда шавад:
«- Иди Меҳргон ва рӯзи кормандони соҳаи кишоварзӣ – 15 октябр;»;
- сархати ҳафтодум хориҷ карда шавад;
- сархати ҳафтоду якум бо мазмуни зерин илова карда шавад:
«- Рӯзи кормандони мақомоти судӣ – 26 октябр;»;
- сархати ҳафтоду сеюм дар таҳрири зерин ифода карда шавад:
«- Рӯзи кормандони милитсия – 10 ноябр;»;
- сархати ҳаштодум дар таҳрири зерин ифода карда шавад:
«- Рӯзи кормандони соҳаи энергетика – 22 декабр;».
Моддаи 2. Қонуни мазкур пас аз интишори расмӣ мавриди амал қарор дода шавад.
Президенти
Ҷумҳурии Тоҷикистон Эмомалӣ РАҲМОН
ш. Душанбе, 2 январи соли 2018, № 1480
Қарори Маҷлиси намояндагони Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи рӯзҳои ид»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи рӯзҳои ид» қабул карда шавад.
Раиси Маҷлиси намояндагони
Маҷлиси Олии Ҷумҳурии Тоҷикистон Ш. ЗУҲУРОВ
ш. Душанбе, 25 октябри соли 2017, № 927
Қарори Маҷлиси миллии Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи рӯзҳои ид»
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи рӯзҳои ид»-ро баррасӣ намуда, қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи рӯзҳои ид» ҷонибдорӣ карда шавад.
Раиси Маҷлиси миллии Маҷлиси
Олии Ҷумҳурии Тоҷикистон М. УБАЙДУЛЛОЕВ
ш. Душанбе, 21 декабри соли 2017, № 461
Баёни ақида (0) Санаи нашр: 08.01.2018 №: 5-6 Мутолиа карданд: 1600
