номаҳо
СИПОСНОМА
Аз 23 декабри соли 2017 то 2 январи соли 2018 дар шуъбаи патологияи ҳомиладории муассисаи давлатии Пажӯҳишгоҳи акушерӣ, гинекологӣ ва периматологии ҷумҳурӣ бо таксикози дараҷаи вазнин бистарӣ будам. Аз рӯзҳои аввал дар ин макон худро ба маънои мусбаташ дигаргуна ҳис намудам. Ғамхориву меҳрубонии кормандон, табибонро дида, ҳатто гоҳҳо бемориамро фаромӯш мекардам. Ҳангоми ташхис ва табобат дарк намудан мушкил набуд, ки дар соҳаи худ онҳо мутахассисони варзидаанд. Албатта, дар ин ҳол кас ё худ бемор мутмаин мегардад, ки зуд шифои комил меёбад.
Ман маҳз дар ҳамин муассиса эҳсос кардам, ки чӣ гуна духтурон, момодояҳо ва дигар кормандон бо эҳсоси масъулияти тому ҷиддӣ фаъолияти пурсамар доранд.
Наметавонам фаромӯш бисозам, ки ҳар субҳ Гулҷаҳон Давлатзода, директори таваллудхонаи рақами 1, муовини ӯ Саломат Муродовна, мудири шуъба Озода Асадуллоевна ба назди мо - беморон омада, ба рафту натиҷаи табобат ошно мешуданд, маслиҳатҳои судбахш медоданд.
Оқибат, он рӯз, яъне 2 январ фаро расиду маро аз беморхона ҷавоб доданд. Мехостам, ки ба назди роҳбарон ва дигар табибону кормандон, ки дар шифо ёфтанам саҳм доштанд, бидароям ва изҳори сипосу миннатдорӣ бинамоям. Аммо ба сабабҳои гуногун ин амал рух надод. Аз ин рӯ, қарор додам, ки изҳори сипосу миннатдориямро ба онҳо ва низ ба мутахассисону кормандон Мавҷуда Комилова, Заррина Бойматова, Раъно Яъқубҷоновна, Шукрафрӯз Аскаровна, Саодат Рашидова ва дигарон аз тариқи гӯшаи «Шаҳрванд» баён бикунам.
Дилрабо МУРАТОВА,
шаҳри Душанбе
Баёни ақида (0) Санаи нашр: 19.01.2018 №: 15 Мутолиа карданд: 1496
