ҳуқуқ
ҶИНОЯТ ва ҶАЗО
ПАРВАНДАИ ҶИНОЯТӢ
алайҳи боз як заминфурӯш
Аз ҷониби кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон боз як ҳолати қаллобӣ вобаста ба замин ошкор гардида, дар ин хусус парвандаи ҷиноятӣ оғоз шудааст.
Бино ба иттилои дафтари матбуоти агентӣ, нафари дастдошта дар ҷиноятӣ қаллобӣ Убайдулло Гулов буда, бо роҳи фиреб 56000 доллари амрикоии шаҳрванд «А» - ро аз худ намудааст. Номбурда ин маблағро барои ҷудо намудани якчанд қитъаи замини наздиҳавлигӣ аз ҳудуди заминҳои корами обии деҳаҳои «Деҳқонобод - 2» ва «Якатут» - и Ҷамоати деҳоти Россияи ноҳияи Рӯдакӣ аз шаҳрванд «А» гирифта, ба манфиати шахсии худ сарф намудааст.
Вобаста ба ҳолатҳои зикргардида, нисбат ба Убайдулло Гулов бо моддаи 247 қисми 4 банди «б» - и Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, тафтишот идома дорад.
НАШЪАҶАЛЛОБ
ба Душанбе истирдод шуд
Вазорати корҳои дохилии Ҷумҳурии Тоҷикистон аз боздошт ва истирдоди як нафар шахси дар кофтуков қарордошта хабар дод.
Ба иттилои манбаъ, рӯзи 26 феврали соли ҷорӣ шаҳрванд Воҳидов Ҳомид Ҷӯрақулович, сокини деҳаи Ҳосилоти ноҳияи Ҳисор, ки бо ҷурми муомилоти ғайриқонунии маводи нашъаовар дар ҷустуҷӯи байналмилалӣ қарор дошт, дар шаҳри Тошканди Ҷумҳурии Ӯзбекистон боздошт ва ба Ҷумҳурии Тоҷикистон истирдод шуд.
Нафари боздоштшуда, қаблан низ барои содир намудани ҷиноят маҳкум ба зиндон шудааст.
ДУЗДӢ
Яғмогарон ба даст афтоданд
Ҳангоми гузарондани чорабиниҳои оперативӣ - ҷустуҷӯӣ аз ҷониби кормандони мақомоти милитсия дар ноҳияи Мурғоби Вилоя- ти Мухтори Кӯҳистони Бадахшон се сокини ноҳия ба гумони дуздӣ дастгир шуд.
Бино ба навиштаи сомонаи ВКД, афроди боздоштшуда, ки мардони аз 39 то 41 - сола буданд, бо роҳи пинҳонӣ дар ҳудуди деҳаи Тохтамиш, 29 адад симчӯбро, ки ба ҶСК “Тоҷиктелеком” - и ноҳияи Мурғоб тааллуқ доранд, дуздида аз ҷойи ҳодиса ғайб задаанд.
Дар робита ба ин амал зарари воридшуда 4841 сомонӣ арзёбӣ мешавад.
Шуъбаи ҳуқуқи рӯзномаи «Ҷумҳурият»
Баёни ақида (0) Санаи нашр: 02.02.2018 №: 47 Мутолиа карданд: 1205
