номаҳо
ҶАВОНОНИ "АВАНГАРД" БО ПЕШВОИ МИЛЛАТАНД
Қисми асосии аҳолии кишварро ҷавонон ташкил медиҳанд. Таваҷҷуҳ ба ин қишри ҷомеа аз рӯзҳои аввали соҳибистиқлолӣ равона гардида буд. Зеро ҷавонон дар устувории ҷомеа нақши бағоят калон доранд. Такя ба дастгирию ҳидоятҳои сулҳдӯстонаи Сарвари давлатамон ҷавонони кишвар кӯшиш ба харҷ дода истодаанд, ки тамоми неру ва қувваи худро баҳри аз худ намудани дониш ва ба кори ободии диёр, амну осудагии диёри маҳбубамон сафарбар намоянд.
Дар давраи соҳибистиқлолӣ дар кишвар бунёдкориҳои зиёде ба вуқӯъ омаданд. Дар ин бунёдкорию ободу зебогардонӣ ҳиссаи ҷавонон низ калон аст. Инчунин, ҷавонон дар нигоҳдории тартиботи ҷамъиятӣ ҳиссаи арзандаи худро гузошта истодаанд. Дар шаҳру навоиҳои ҷумҳурӣ аз ҳисоби ҷавонон гурӯҳи «Авангард» (пешоҳанг) ташкил карда шудааст.
19 майи соли 2018 дар бинои шуъбаи минтақавии мубориза бар зидди ҷиноятҳои муташаккили шаҳри Хуҷанд вохӯрии гурӯҳи «Авангард» - и вилояти Суғд бо сардори Раёсати мубориза бар зидди ҷиноятҳои муташаккили Вазорати корҳои дохилии ҷумҳурӣ полковники милитсия Шодӣ Ҳофиззода баргузор гардид.
Мақсади вохӯрӣ пурзӯр намудани ҳамкории ҷавонон оид ба ошкор намудани ҷиноятҳо мебошад. Дар он роҳбари гурӯҳи «Авангард» - и ҷумҳурӣ Мардихудо Давлатов дар мавзӯи «Мақсад ва вазифаҳои гурӯҳи «Авангард», Муҳибҷон Эрбоев дар мавзӯи «Оид ба фаъолияти гурӯҳи «Авангард» - и вилояти Суғд» баромад намуданд.
Ба як қатор ҷавонони фаъоли ин гурӯҳ туҳфаҳои хотиравӣ супурда шуд.
Ҷаҳонгир МАҲКАМОВ,
донишҷӯи ДДХ ба номи академик Бобоҷон Ғафуров, аъзои гурӯҳи «Авангард» дар вилояти Суғд
Баёни ақида (0) Санаи нашр: 31.05.2018 №: 108 Мутолиа карданд: 3440
