номаҳо
ВАТАНАМОНРО ОБОД ВА ДАВЛАТАМОНРО ПЕШРАФТА МЕГАРДОНЕМ
Дар ҳошияи мулоқоти Сарвари давлат бо намояндагони ҷомеаи кишвар
12 майи соли 2018 дар Кохи Борбад Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи моҳи шарифи Рамазон бо намояндагони ҷомеаи кишвар, фаъолони соҳаҳои иҷтимоӣ, олимон, зиёиёни эҷодкор ва ходимони дин мулоқоти судманд анҷом доданд, ки мо онро тариқи шабакаҳои телевизионӣ тамошо намудем ва ба худ як ҷаҳон маънӣ ва таассурот бардоштем. Ҳар як вохӯрӣ, мулоқот ва суханронии Пешвои миллат барои мо дарси ватандӯстӣ, хештаншиносӣ мебошад.
Дар мулоқот Пешвои муаззами миллат бар он таъкид доштанд, ки «вазъияти ниҳоят ҳассосу ноороми ҷаҳон мову шуморо водор мекунад, ки нисбат ба ҳар вақти дигар зираку ҳушёр бошем, дар ғафлат намонем, манфиату зарари худро дар гуфтору амали хеш дарк кунем, ба қадри бузургтарин неъмату дастовардҳои зиндагиамон – истиқлолияту озодӣ, соҳибватаниву соҳибдавлатӣ,сулҳу оромӣ ва ваҳдати миллӣ расем» .
Аз ин рӯ, бояд ҳар як шаҳрванд, хосса ҷавонон ин Ватанро самимӣ ва бештар аз ҷонашон дӯст доранд. Сулҳ, ваҳдат, истиқлолият-ин неъматҳои бебаҳоро чун гавҳари ноёб азиз доранд, нигаҳбон бошанд.
Мо - ҷавонони ин диёри обод ва зебо бояд пайваста хонему донишу малакаи худро афзун намоем. Вақти холигии худро беҳуда сарф накарда, пайи омӯзиш ва ихтироъ бошем. Чуноне ки Президенти мамлакат дар мулоқоташон иброз доштанд: «Танҳо миллати босаводу соҳибмаърифат ва кадрҳои донишманду баландихтисос метавонанд дар оянда давлати соҳибистиқлоли тоҷиконро ба ҷомеаи башарӣ ба таври шоиста муаррифӣ кунанд ва обрӯю мартабаи Тоҷикистони мо дар байни кишварҳои пешрафтаи олам боз ҳам баландтар гардад».
Ин суханҳои пур аз панду насиҳати Пешвои миллат чун дастурамали рӯимизии мо гашта, бояд бештар биомӯзему фаъолият бинамоем, то кишварамонро аз ин ҳам ободтар бигардонем.
Убайдулло МИРЗОФАТОЗОДА,
ноҳияи Спитамен
Баёни ақида (0) Санаи нашр: 14.06.2018 №: 118 Мутолиа карданд: 3509
