маориф
ҶАВОНОН ВА ТАҲАВВУЛОТИ ЗАМОН
Имрӯз дунё ба таҳаввулоти ғайри қобили тасаввури мо печ хӯрда, равандҳое ба чашм мерасанд, ки басо нигаронкунанда мебошанд. Дар тазодҳо ҳар гуна неруҳо мехоҳанд ҷавононро саҳим донанд, вале неруҳои солим бар инанд, ки ҷавонон аз ҳадафҳои муғризона канор бошанд, орӣ аз мухолифатҳо ва бо ҳамон аҳдофи башардӯстона дунёро аз бадиҳо эмин доранд. Вале авзои кунунӣ баёнгари он аст, ки неруҳои аҳриманӣ бо ҳар роҳу васила дар фиреби ин қишри ҷомеа то ҷое муваффақ шудаанд. Аз ин рӯ, метавон гуфт, ки агар хонанда аз таълиму тарбия дур монду фазои фарҳангӣ ва сиёсӣ холӣ шуд, хоҳ - нохоҳ ба хотири қонеъ сохтани талаботи моддӣ ва маънавӣ ба сӯе майл мекунад.
Имрӯз мактаб вазифаҳои басо бузургро ба зимма дорад. Пеш аз ҳама, тарбияи шогирдони сазовору донишманд. Мо бояд истеъдодҳоро кашф кунем, онҳо дар муҳити мактаб даст ба эҷодкорӣ зананд, дар ҳалли мавзӯъҳое андеша ронанд, ки ба қобилият ва зеҳнияти онҳо такон бахшад. Он гоҳ, худи шогирдон дастовардҳояшонро ба маъраз гузошта метавонанд. Ҳамчунин, дар замони инноватсия тафаккури мактаббачагон хеле пешрав аст, онҳо аз фанни технологияи информатсионӣ калиди олами донишҳоро соҳиб мешаванд.
Мо - омӯзгорон вазифадорем, ки ба ҷавонон таърихи дирӯзу ҳодисаҳои имрӯзро бо далелу бурҳони қотеъ фаҳмонему шарҳу баён созем. Ҷавонони мо ба мафҳуми «терроризму ифротгароӣ» пурра сарфаҳм раванд ва онҳо дар ҷомеа мубаллиғони сиёсати хирадмандонаи Пешвои миллат бошанд.
Дилбар БОБОЕВА,
муовини директор оид ба корҳои
тарбиявии МТМУ № 37-и шаҳри Душанбе
Баёни ақида (0) Санаи нашр: 24.07.2018 №: 145 Мутолиа карданд: 982
