энергетика
Номгӯй ва рамзҳои
лампаҳои барқии тафсон тибқи Номгӯи молҳои фаъолияти иқтисодии хориҷӣ, ки воридот ва фурӯши онҳо дар қаламрави Ҷумҳурии Тоҷикистон манъ карда шудааст
Рамзҳо Лампаҳои барқии тафсон
853921 -галогенӣ бо сими волфрамӣ
(ғайр аз: 853921300) -барои мотосиклҳо ё дигар воситаҳои нақлиёти муҳаррикдор
853922 -дигарҳо, бо қувватнокии на зиёда аз 200 Вт ва бо шиддатнокии зиёда аз 100 Вт
853929 -дигарҳо
(ғайр аз: 853929300 -барои мотосиклҳо ё дигар воситаҳои нақлиёти муҳаррикдор
Вазорати рушди иқтисод ва савдои Ҷумҳурии Тоҷикистон дар иртибот ба иҷрои банди 3 қарори Ҳукумати Ҷумҳурии Тоҷикистон аз 17 ноябри соли 2009, № 626 «Дар бораи манъ намудани фурӯши лампаҳои барқии тафсон дар қаламрави Ҷумҳурии Тоҷикистон» ҷиҳати дақиқ намудани номгӯй ва рамзҳои лампаҳои барқии тафсон, ки воридот ва фурӯши онҳо дар қаламрави ҷумҳурӣ манъ карда шудааст, шарҳ медиҳад.
Муқаррароти қарори мазкур, фурӯши лампаҳои барқии тафсонеро, ки дар номгӯй ва рамзҳои лампаҳои барқии тафсон тибқи номгӯи молҳои фаъолияти иқтисодии хориҷӣ нишон дода шудааст, манъ мекунад.
Дар ин раванд, ба маълумоти кулли истифодабарандагон, аҳолӣ, корхонаҳои истеҳсолӣ, хизматрасонӣ, ташкилот ва муассисаҳои ҷумҳурӣ новобаста аз шакли моликият расонида мешавад, ки воридот ва фурӯши чунин намуд, номгӯй ва рамзҳои лампаҳои барқии тафсон дар қаламрави Ҷумҳурии Тоҷикистон манъ карда шудааст:
-лампаҳои барқии тафсони қувватнокиашон зиёда аз 12 Вт, ки дорои спирали тафсонанда (гармшаванда) мебошанд;
-талаботи мазкур барои ворид ва фурӯши лампаҳои барқии тафсони қувватнокиашон зиёда аз 12 Вт, ки ҳамчун қисми таркибии таҷҳизоти технологӣ ё махсусан барои соҳаҳои тахассусӣ (тиббӣ, озмоишӣ, синамоӣ ва ғайраҳо аз ҷумла лампаҳои ултрабунафш, инфрасурх, камонӣ, герметикӣ ва диодӣ) истифода мешаванд, татбиқ намегардад;
-дар номгӯи тасдиқшуда мумкин аст тибқи муроҷиати асосноки корхонаҳо, ташкилотҳо ва муассисаҳо ба Вазорати рушди иқтисод ва савдои Ҷумҳурии Тоҷикистон, ислоҳот ва иловаҳо ворид карда шаванд.
Баёни ақида (0) Санаи нашр: №: Мутолиа карданд: 4898
