маориф
МАОРИФ ДАР САРГАҲИ СИЁСАТИ ДАВЛАТӢ
Маориф дар сиёсати иҷтимоии Ҳукумати Ҷумҳурии Тоҷикистон яке аз самтҳои асосӣ ба ҳисоб меравад. Он бо дастгириву ғамхориҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сол ба сол рушд мекунад. Инро дар зиёд шудани шумораи медалҳои хонандагони муассисаҳои таҳсилоти миёнаи умумии Тоҷикистон дар олимпиадаҳои фаннӣ ва озмунҳои ихтироъкорони наврас мушоҳида кардан мумкин аст.
Дар ҳақиқат, имрӯзҳо дар тамоми шаҳру ноҳияҳои кишвар муассисаҳои таълимӣ бо шароитҳои замонавӣ сохта шуда, мавриди баҳрабардорӣ қарор гирифтаанд. Ин ҳама бунёдкориҳо дар соҳаи маориф бешак ба рушди таълиму тарбия, донишандӯзии наврасону ҷавонон, омӯхтани техникаву техналогияи муосир ва забонҳои хориҷӣ заминаи мусоид фароҳам меорад. Тавре Пешвои муаззами миллат дар Паёми навбатӣ зикр намуданд: «Танҳо соли 2018 дар кишвар аз ҳисоби ҳамаи сарчашмаҳо 151 муассисаи таҳсилоти умумӣ бо зиёда аз 73 000 ҷойи нишаст сохта, ба истифода дода шуд ва ин раванд дар оянда низ идома хоҳад ёфт”.
Инчунин, дар доираи омодагиҳо ба Ҷашни фархундаи 30 - солагии Истиқлолияти давлатӣ беш аз 1050 муассисаҳои томактабӣ бунёд мегардад, ки қисми зиёди онҳо дар деҳоти мамлакат сохта мешаванд. Дар чунин муассисаҳо ҳазорон навниҳолон – тифлакони дӯстрӯи мо ба таҳсил фаро гирифта мешаванд ва барои хониши онҳо заминаи боэътимод гузошта мешавад.
Аз тарафи дигар, баланд бардоштани мақоми омӯзгорон, ки дар рушди неруи инсонӣ саҳми асосӣ доранд, яке аз масъалаҳое буданд, ки дар Паём зикр гардид. Аҳли маориф яке аз қувваи пешбаранда ва фаъоли ҷомеа аст ва рушди маориф дар пешрафти тамоми соҳаҳои ҳаёти ҷомеа ва давлат эҳсос мешавад. Пас мо – омӯзгоронро зарур аст, ки Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро сармашқи кори худ қарор диҳем ва дар таълиму тарбия, баланд бардоштани донишандӯзӣ, ватандӯстиву ифтихори миллии наврасону ҷавонон саҳми худро бештар намоем.
Сайёра НОЗИМОВА,
омӯзгори МТМУ № 58 - и ноҳияи Фирдавсии шаҳри Душанбе
Баёни ақида (0) Санаи нашр: 14.01.2019 №: 11 Мутолиа карданд: 1207
