қарорҳои ҳукумат
ҚАРОРИ Ҳукумати Ҷумҳурии Тоҷикистон аз 9 июни соли 2018, № 302, ш. Душанбе Дар бораи меъёрҳои андози аксиз барои баъзе молҳои дар Ҷумҳурии Тоҷикистон истеҳсолшаванда ва ба Ҷумҳурии Тоҷикистон воридшаванда
Мутобиқи моддаи 57 Қонуни Ҷумҳурии Тоҷикистон «Дар бораи санадҳои меъёрии ҳуқуқӣ» ва моддаи 200 Кодекси андози Ҷумҳурии Тоҷикистон Ҳукумати Ҷумҳурии Тоҷикистон қарор мекунад:
1. Меъёрҳои андози аксиз барои баъзе молҳои дар Ҷумҳурии Тоҷикистон истеҳсолшаванда ва ба Ҷумҳурии Тоҷикистон воридшаванда тасдиқ карда шавад (замима мегардад).
2. Вазорати корҳои хориҷии Ҷумҳурии Тоҷикистон мувофиқи тартиби муқарраргардида оид ба қабули қарори мазкур Кумитаи иҷроияи Иттиҳоди Давлатҳои Мустақилро огоҳ намояд.
3. Қарори Ҳукумати Ҷумҳурии Тоҷикистон аз 15 феврали соли 2014, №102 «Дар бораи тасдиқи меъёрҳои андози аксиз барои баъзе молҳои дар Ҷумҳурии Тоҷикистон истеҳсолшаванда ва ба Ҷумҳурии Тоҷикистон воридшаванда» аз эътибор соқит дониста шавад.
Раиси Ҳукумати Ҷумҳурии Тоҷикистон Эмомалӣ РАҲМОН
ТАСҲЕҲ
Нашри қарори мазкур дар рӯзномаи «Ҷумҳурият» аз 12 декабри соли 2018, № 245, бинобар номутобиқатӣ ба матни дар «Феҳристи ягонаи давлатии санадҳои меъёрии ҳуқуқии Ҷумҳурии Тоҷикистон» нашршуда, беэътибор дониста шавад.
Баёни ақида (0) Санаи нашр: 23.01.2019 №: 18 Мутолиа карданд: 1225
