номаҳо
МАЪЮБОН: "АРОБАЧАҲОИ МО РОҲРАВ НАДОРАНД"
Албатта, мо ғамхорӣ ва дастгирии давлат ва Ҳукумати ҷумҳуриро нисбат ба худ, яъне маъюбон, эҳсос мекунем ва ҳамеша сипосгузорем. Танҳо мехоҳам дар бораи набудани роҳравҳои махсус барои аробачаҳои маъюбӣ ибрози андеша созам.
Дар пойтахти мамлакат - шаҳри Душанбе масъулон барои ин қишри ҷомеа чунин роҳравҳоро сохта истодаанд. Мутаассифона, дар дигар манотиқи кишвар ба масъалаи мазкур ба таври бояду шояд таваҷҷуҳ зоҳир намекунанд. Шояд ин аз он сабаб аст, ки мушкилу ранҷи моро одамони ҷисман солим дар маҳалҳо эҳсос наменамоянд. Чунин роҳравҳо на танҳо барои мо, балки барои пиронсолон, беморон ва кӯдакон низ бисёр зарур аст.
Ба муносибати Ҷашни 30 – солагии Истиқлолияти давлатӣ иншооти муҳим сохта ва мавриди истифода қарор мегиранд. Хуб мешуд, агар масъулон мушкили моро ба инобат гирифта, дар ҳалли он тадбирҳои заруриро меандешиданд.
Зайнулло МУРОДОВ,
роҳбари ташкилоти ҷамъиятии маъюбони
«Равонбахш» - и ноҳияи Мир Сайид Алии Ҳамадонӣ
Баёни ақида (0) Санаи нашр: 18.02.2019 №: 36 Мутолиа карданд: 2440
