Моддаи 1. Ба Кодекси шаҳрсозии Ҷумҳурии Тоҷикистон аз 28 декабри соли 2012 (Ахбори Маҷлиси Олии Ҷумҳурии  Тоҷикистон с. 2012, № 12, қ. 1, мод. 998; с. 2016, № 7, мод. 626; с. 2019, № 1, мод. 24, мод. 25) тағйироту иловаи зерин ворид карда шаванд:

1. Дар сархати ҳаштуми қисми 1 моддаи 9 калимаҳои «ташхисӣ оид ба» ба калимаи «экспертизаи» иваз карда шаванд.

2. Дар сархати даҳуми қисми 1 моддаи 13 калимаи «меъёргузории» ба калимаи «бамеъёрдарории» иваз карда шавад.

3. Ба қисми 4 моддаи 20 сархати якум бо мазмуни зерин илова карда шавад:

«- ҳудудҳое, ки дар онҳо объектҳои дорои аҳамияти ҷумҳуриявӣ ва стратегӣ ҷойгир шудаанд ва номгӯи онҳоро Ҳукумати Ҷумҳурии Тоҷикистон тасдиқ намудааст;».

Моддаи 2. Қонуни мазкур пас аз интишори расмӣ мавриди амал қарор дода шавад. 

 

Президенти

Ҷумҳурии  Тоҷикистон    Эмомалӣ РАҲМОН

ш. Душанбе, 2 январи соли 2020, № 1677

 

ҚАРОРИ МАҶЛИСИ НАМОЯНДАГОНИ 

МАҶЛИСИ ОЛИИ ҶУМҲУРИИ ТОҶИКИСТОН 

Дар бораи қабул кардани Қонуни Ҷумҳурии Тоҷикистон «Оид ба ворид намудани тағйироту илова ба Кодекси шаҳрсозии Ҷумҳурии Тоҷикистон»

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйироту илова ба Кодекси шаҳрсозии Ҷумҳурии Тоҷикистон» қабул карда шавад.

 

Раиси Маҷлиси намояндагони 

Маҷлиси Олии Ҷумҳурии Тоҷикистон Ш. ЗУҲУРОВ

ш. Душанбе, 13 ноябри соли 2019, № 1488 

 

ҚАРОРИ МАҶЛИСИ МИЛЛИИ 

МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон «Оид ба ворид намудани тағйироту илова ба Кодекси шаҳрсозии Ҷумҳурии Тоҷикистон»

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйироту илова ба Кодекси шаҳрсозии Ҷумҳурии Тоҷикистон»-ро баррасӣ намуда, қарор мекунад:

Қонуни Ҷумҳурии Тоҷикистон «Оид ба ворид намудани тағйироту илова ба Кодекси шаҳрсозии Ҷумҳурии Тоҷикистон» ҷонибдорӣ карда шавад.

 

Раиси Маҷлиси миллии Маҷлиси 

Олии Ҷумҳурии Тоҷикистон                                 М. УБАЙДУЛЛОЕВ

ш. Душанбе, 25 декабри соли 2019, № 737