барқияҳо
11 марти соли 2010 Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Арабии Миср Муҳаммад Ҳуснӣ Муборак барқияи таъзия ирсол дошт, ки дар он омадааст:
Ҷаноби мӯҳтарам, бародари азиз Муҳаммад Ҳуснӣ Муборак, Президенти Ҷумҳурии Миср.
Бо камоли ҳузну андӯҳ хабари вафоти Имоми Акбар шайхи Азҳари Шариф доктор Муҳаммад Сайид Тантовиро дарёфт намудам. Марҳум барои мардуми Тоҷикистон ва тамоми халқҳои мусулмон бо хидматҳои бузургаш ба дини мубин ва шариати мо азизу гиромӣ буд.
Бо изҳори самимонатарин ҳамдардиву тасаллият аз ин талафоти ҷонсӯзи мардуми Миср ва тамоми мусалмонон аз Эзиди таоло масъалат дорам, ки ба наздикони марҳум сабру таҳаммул ато фармояд, фақиди гиромиқадрро раҳмат намояд ва ҷояшро ҷаннат кунад.
Инно лиллоҳи ва инно илайҳи роҷиъун.
Баёни ақида (0) Санаи нашр: №: Мутолиа карданд: 4430
