Пешвои миллат ба нақши матбуот дар ҷомеаи муосир баҳои арзанда дода, таъкид доштанд: «Манфиатҳои миллӣ тақозо менамоянд, ки воситаҳои ахбори омма на танҳо дастгоҳи тавонои хабарӣ бояд бошанд, балки дар муборизаи таҳмилии иттилоотӣ чун сипари давлат хизмат кунанд, ба хабару мақолаҳои таҳрифӣ ҷавобҳои сазовор дода, ба суботи ҷомеа мусоидат намоянд ва эътимоди мардумро ба фардои нек мустаҳкам созанд».

Вазъи ҷаҳони муосир тақозо дорад, то ҳамаи мо қатъи назар аз самти фаъолияти касбиамон, ба хотири таҳкими дастовардҳои Истиқлолияти давлатӣ, амнияту субот, пойдории давлату ҷомеа масъулияти бештар дошта, манфиати миллӣ ва давлатиро аз дигар манфиатҳо боло гузошта, пеши роҳи амалҳои номатлуб, аз қабили ифротгароӣ, фасодкорӣ, гаравидан ба ҳизбу ҳаракатҳои террористиву экстремистиро бигирем. Васоити ахбори омма сипари боэътимоди давлат, муҳофизи манфиатҳои миллӣ, ташаккулдиҳандаи афкори ҷомеа ва тарғибгари арзишҳои волои инсонӣ ба ҳисоб меравад.  Матбуот қувваи бузург буда, қодир аст пеши роҳи cap задани ҳама гуна падидаҳои номатлубро гирад ва барои боло бурдани обрую эътибори Ватани азизамон дар сатҳи байналмилалӣ саъю талош намояд.

Бо камоли мамнуният аҳли эҷоди рӯзномаи «Ҷумҳурият»-ро, ки беш аз 95 соли охир дар роҳи баланд бардоштани маърифати сиёсӣ, худогоҳиву хештаншиносӣ, ҳисси ватандӯстӣ ва пешрафту гулгулшукуфии Ватани маҳбубамон таҷрибаву малака ва донишу маҳорати худро равона сохта истодаанд, ба муносибати Рӯзи матбуоти тоҷик табрику таҳният гуфта, дар ин ҷодаи пурмасъулият ва, ҳамзамон, пурифтихор ба ҳар яки онҳо  комёбиҳои тозаи эҷодӣ орзумандам.