Ҷиҳати иҷрои дастуру супоришҳои Пешвои миллат муҳтарам Эмомалӣ Раҳмон оид ба Консепсияи миллии тарбия ва  омода намудани кадрҳо дар соҳаи таъмини амният, ба ифтихори Ҷашни 30 - солагии Истиқлолияти давлатии Ҷумҳурии Тоҷикистон дар пойтахти мамлакат – шаҳри Душанбе дар қисми низомии N-и раёсати Қӯшунҳои дохилии Вазорати корҳои дохилӣ миёни муҳассилини муассисаҳои таҳсилоти миёнаи касбӣ мусобиқаи маҳорати варзишӣ ва ҳарбӣ-ватандӯстӣ баргузор гардид.

 

Дар он намояндагони коллеҷи милитсияи Вазорати корҳои дохилӣ, коллеҷи техникӣ - оташнишонии ВКД, коллеҷи техникӣ - технологии назди Ташкилоти ҷамъиятии мададгори мудофиа, коллеҷи тарбияи ҷисмонии Тоҷикистон аз рӯйи ба қисмҳо ҷудо ва ҷамъ намудани автомати Калашников, ҳаво додани норинҷак, гӯштини миллӣ, давидан ба масофаи 100 метр, турниккашӣ, ҷаҳидан ба дарозӣ, вазнбардорӣ, қату рост кардани дастон ва эстафетаи даставӣ сабқат варзиданд. 

Бояд гуфт, ки дар мусобиқа муҳассилини Муассисаи давлатии таълимии «Коллеҷи милитсия»  Алиаҳмадов Қурбон дар намуди давидан ба масофаи 100 метр ҷойи аввал, Алидодов Наҷмиддин дар намуди ҳаво додани норинҷак ҷои дуюм, Муҳаммадисои О. дар намуди ба қисмҳо ҷудо ва ҷамъ намудани автомати Калашников ҷойи сеюм, Наҷибуллои Исмоил дар намуди қату рост кардани дастон ҷойи аввал, Сафаров Зикрулло дар намуди гӯштини миллӣ ҷойи аввал ва Ҳ. Ризоев, М. Давлатов, К. Фозилзода дар эстафета ҷои дуюмро ба даст оварда, бо диплому ифтихорномаҳо ва ҷому медалҳои Вазорати маориф ва илм қадр гардиданд.

 

М.Ҷ. ХОНҶОНОВ, сардори кафедраи  ТТМ ва ОҶ,

Б.М. ИБРАГИМОВ, муаллими кафедраи фанҳои дақиқ ва техникӣ