Моддаи 1. Ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон» аз 6 августи соли 2001 (Ахбори Маҷлиси Олии Ҷумҳурии Тоҷикистон, с. 2001, № 7, мод. 517; с. 2003, № 12, мод. 689; с. 2004, № 12, қ. 1, мод. 698; с. 2005, № 7, мод. 397; с. 2006, № 3, мод. 145; с. 2007, № 7, мод. 654; с. 2011, № 12, мод. 831, мод. 832; с. 2012, № 8, мод. 812; с. 2016, № 7, мод. 601; с. 2017, №7-9, мод. 564) тағйиру иловаҳои зерин ворид карда шаванд:

1. Ба ном ва матни моддаи 7 баъд аз калимаҳои «вакилони халқ» калимаҳои «, мақомоти худидоракунии шаҳрак ва деҳот» илова карда шаванд. 

2. Дар қисми 1 моддаи 11:

- ба банди 8) баъд аз калимаҳои «лоиҳаи қонунҳо» калимаҳои «ва таклифҳои қонунгузорӣ» илова карда шаванд;

- дар банди 9) калимаи «шаҳрвандон» ба калимаҳои «шахсони воқеӣ ва ҳуқуқӣ» иваз карда шаванд.

3. Дар моддаи 13:

- дар қисми якум калимаи «бонки» ба калимаи «Бонки» иваз ва баъд аз калимаҳои «идораҳои давлатӣ,» калимаҳои «, мақомоти худидоракунии шаҳрак ва деҳот» илова карда шаванд;

- ба қисмҳои сеюм ва чорум баъд аз калимаҳои «мақомоти давлатӣ», «Мақомоти давлатӣ» калимаҳои «, мақомоти худидоракунии шаҳрак ва деҳот» илова карда шаванд.

4. Ба қисмҳои якум ва дуюми моддаи 14 баъд аз калимаҳои «мақомоти дахлдори давлатию ҷамъиятӣ» ва «Мақомоти давлатӣ ва ҷамъиятӣ» калимаҳои «, мақомоти худидоракунии шаҳрак ва деҳот» илова карда шаванд.

5. Ба сархати сеюми қисми якум ва қисми дуюми моддаи 16 баъд аз калимаҳои «идоракунӣ» ва «ҳокимияти давлатӣ,» мувофиқан калимаҳои «, инчунин мақомоти худидоракунии шаҳрак ва деҳот» ва «мақомоти худидоракунии шаҳрак ва деҳот,» илова карда шаванд. 

6. Ном ва ҷумлаи якуми моддаи 17 дар таҳрири зерин ифода карда шавад: 

«Моддаи 17. Баррасии муроҷиатҳои шахсони воқеӣ ва ҳуқуқӣ аз тарафи узви Маҷлиси миллӣ ва вакили Маҷлиси намояндагон 

Узви Маҷлиси миллӣ ва вакили Маҷлиси намояндагон муроҷиатҳои шахсони воқеӣ ва ҳуқуқиро бо тартиби муқаррарнамудаи қонунгузорӣ баррасӣ менамоянд, барои дуруст ва сари вақт ҳаллу фасл шудани онҳо чораҳои зарурӣ меандешанд, шахсони воқеӣ ва ҳуқуқӣ (ва намояндагони онҳо)-ро қабул мекунанд, барои бартараф намудани сабабҳои шикоят ба Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, ба мақомоти ҳокимияти давлатӣ, мақомоти худидоракунии шаҳрак ва деҳот, корхонаю муассиса ва ташкилотҳо, новобаста ба шакли ташкилию ҳуқуқӣ ва шакли моликият, таклифҳо пешниҳод менамоянд.». 

7. Ба қисми дуюми моддаи 18, қисми якуми моддаи 19 ва моддаи 20 баъд аз калимаҳои «Мақомоти маҳаллии ҳокимияти давлатӣ», «мақомоти давлатӣ» ва «мақомоти ҳокимияти давлатӣ» калимаҳои «, мақомоти худидоракунии шаҳрак ва деҳот» ва «, мақомоти худидоракунии шаҳрак ва деҳот» илова карда шаванд. 

8. Дар моддаи 21:

- ба қисми якум баъд аз калимаҳои «Мақомоти ҳокимияти давлатӣ,» калимаҳои «мақомоти худидоракунии шаҳрак ва деҳот» илова карда шаванд;

- дар қисми чорум калимаҳои «ё бонкианд» ба калимаҳои «, бонкӣ ё сирри дигари бо қонун ҳифзшавандаанд» иваз карда шаванд.

9. Дар моддаи 24 калимаҳои «Қонуни Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон» ба калимаҳои «қонунгузории Ҷумҳурии Тоҷикистон» иваз карда шаванд.

10. Дар қисми шашуми моддаи 35 калимаҳои «тафтишот, муфаттиш» ба калимаҳои «таҳқиқ, тафтишот» иваз карда шаванд.

Моддаи 2. Қонуни конститутсионии мазкур пас аз интишори расмӣ мавриди амал қарор дода шавад.

 

Президенти 

Ҷумҳурии Тоҷикистон Эмомалӣ РАҲМОН 

ш. Душанбе, 25 июни соли 2021, № 1799

 

Қарори Маҷлиси намояндагони 

Маҷлиси Олии Ҷумҳурии Тоҷикистон

Дар бораи қабул кардани Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон»

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад: 

Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон» қабул карда шавад.

 

Раиси Маҷлиси намояндагони Маҷлиси Олии Ҷумҳурии Тоҷикистон М. ЗОКИРЗОДА 

ш. Душанбе, 26 майи соли 2021, № 422 

 

Қарори Маҷлиси миллии 

Маҷлиси Олии Ҷумҳурии Тоҷикистон

Дар бораи Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон»

Мутобиқи моддаи 61 Конститутсияи Ҷумҳурии Тоҷикистон, моддаи 60 Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» Маҷлиси миллии Маҷлиси Олии Ҷумҳурии Тоҷикистон Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон»-ро бар¬расӣ намуда, қарор мекунад:    

Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон» ҷонибдорӣ карда шавад.

 

Раиси Маҷлиси миллии Маҷлиси Олии Ҷумҳурии Тоҷикистон Рустами ЭМОМАЛӢ

ш. Душанбе, 21 июни соли 2021, № 170