Мақомоти иҷроияи ҳокимияти давлатии вилояти Хатлон аз реҳлати Қурбонбӣ Раҳмонова - хоҳари Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон андуҳгин буда, ба Президенти мамлакат, фарзандон, хешу табор ва ақрабои модари марҳума тасаллияти амиқ арз мекунанд.

Хабари даргузашти Қурбонбӣ Раҳмонова, ки як намоди меҳру муҳаббат, иффату ҳунар, модари ғамхору иззатманд буданд, бас таконбахшу ғамангез аст.

Шахсе ба олами абадият пайваст, ки аз табори меҳру иффат буд, бо самимияту меҳрубонӣ, фазилати баланди инсонӣ маҳбуби дили пайвандону ҳамдеҳагону ҳамдиёрон гардида буд. 

Ҳамагон ин модарро ҳамчун шахси комилан беозор, нармгуфтор, инсондӯст, самимӣ ба ёд хоҳанд дошт.

Аз ин ҷост, ки марги чунин инсони соҳибдил барои азизонаш талафоти ҷуброннопазир ба шумор меравад.

Мо бо Пешвои миллат ва ҳамаи пайвандони марҳума ғамшарику ҳамдардем ва ба онҳо дар таҳаммули дарди фироқ сабру шикебоӣ таманно дорем.

Хотираи дурахшони инсони некном дар дилҳои мо ҷовидонист.

Ному ёдашон гиромӣ ва маскани охираташон пурнур бод.

 

Мақомоти иҷроияи ҳокимияти 

давлатии вилояти Хатлон

 

 

 

* * *

Мардуми вилояти Суғд хабари реҳлати нобаҳангоми Қурбонбӣ Раҳмонова - хоҳари Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро бо ҳузну андуҳи гарон дарёфтанд ва ғамшарики аҳли хонаводаи модари марҳума ҳастанд. 

Марг шахсеро ба олами улвӣ пайваст, ки бо хислатҳои ҳамида, кирдорҳои наҷиб, амалҳои неку солеҳ, покизарафторӣ, раҳнамоӣ ва адабпарварӣ дар дили мардум маскан доштанд ва намунаи ибрат буданд. Аз ҳама муҳимтар, модаре буданд фариштахислат, меҳрпарвар, мураббӣ ва тарбиятгар. Фарзандону шогирдони соҳибкамол, донишманду ватанпарвар ва меҳнатқаринро ба воя расонданд, саҳми амиқ дар рушди ҳаёти иҷтимоии Тоҷикистони соҳибистиқлоламон гузоштанд.

Ҳамагон, хосатан аҳли пайвандону наздикон ва шогирдон, ин модари мушфиқро чун намоди иффату покӣ, муҳаббату садоқат ва инсони комили ватандӯст дар ёд хоҳанд дошт.

Даргузашти ин инсони соҳибдил барои пайвандону азизон, дӯстону ҳамдиёрон мусибатест басо вазнин ва ҳасратбор. 

Аз номи мақомоти иҷроияи ҳокимияти давлатии вилояти Суғд дар ин лаҳзаҳои мусибатангез ва басо риққатбор ба Президенти мамлакат, фарзандон, хешу табор ва наздикону пайвандони модари марҳума изҳори ҳамдардии амиқ баён намуда, барояшон аз даргоҳи Худованди бузург сабри ҷамил хоҳонем. 

 

Мақомоти иҷроияи ҳокимияти 

давлатии вилояти Суғд