Газета. Ру. Марҳилаи фаъоли машқ, ки дар он 2,5 ҳазор низомӣ аз Россия, Ӯзбекистон ва Тоҷикистон иштирок мекунанд, дар тамрингоҳи Ҳарбмайдон, 20 км дуртар аз сарҳади Тоҷикистону Афғонистон оғоз ёфт, - хабар медиҳад АИР «Новости» бо истинод ба дафтари матбуоти  Округи ҳарбии марказӣ. 

Тавре хабар дода мешавад, неруҳои ҳавоии Россия ва Тоҷикистон усули  дастгирии оташнишонии ҷузъу томҳои заминии ҳамлакунандаро истифода бурда, минтақаи мустаҳками гурӯҳи ғайриқонунии мусаллаҳро хароб карданд. Бо ин мақсад, экипажҳои чархболҳои ҷангии Ми-24  саф кашида, постҳои фармондеҳӣ ва хатсайрҳои иртиботии минтақаро, ки   душман ишғол карда буд, бо мушакҳои С-8 тирборон карданд. 

 

 

«Толибон» маркази вилояти Самангони Афғонистонро ишғол карданд

ТАСС. Ҷангҷӯёни ҳаракати «Толибон» рӯзи душанбе аз забти шаҳри Айбак, маркази маъмурии вилояти Самангон дар шимоли Афғонистон хабар доданд. Дар ин бора шабакаи телевизионии Al Arabiya иттилоъ  медиҳад. Ин шашумин маркази вилоят аст, ки рӯзҳои охир аз ҷониби «Толибон» ишғол шудааст. 

Чунон ки агентии IRNA хабар дод, пештар онҳо марказҳои музофотҳои Ҷузҷон, Сари Пул, Қундуз, Нимрӯз ва Тахорро зери назорат қарор доданд. Бо истинод ба маълумоти собиқ вазири гурезаҳои афғон Саид Ҳусейн Алемии Балхӣ, агентӣ зикр мекунад, ки 120 шаҳр таҳти ҳукмронии «Толибон» қарор дорад. Сабабҳои асосии ин вазъро ӯ дар хуруҷи неруҳои эътилофи байналмилалӣ ва дастгирии ҳаракати «Толибон» аз ҷониби гурӯҳҳои террористии покистонӣ меномад.

 

 

Ошкоро ва ҳамаҷониба: «Суҳбати муфассал» -и Лукашенко

Мир 24. «Суҳбати муфассал бо Президент» - и Беларус Александр Лукашенко беш аз ҳашт соат идома ёфт. Суҳбат пурмазмун буд. Лукашенко ҳамеша таъкид кардааст, ки барои ӯ мавзӯъҳои мамнӯъ ва нороҳаткунанда вуҷуд надоранд. Президент нахуст зикр кард: «Ин сол осон набуд, аммо озмоишҳои ҷиддӣ миллатро нашикастанд, балки онро муттаҳид карданд».

Яке аз чунин озмоишҳои ҷиддӣ пандемия аст. Беларус дар мубориза бо он роҳи худро интихоб намудааст. Лукашенко мутмаин аст, ки ин стратегия самараи хуб дод. Корхонаҳо баста нашуданд, ба туфайли ин иқтисод пеш рафт.

«Таҳкурсии он чизе, ки дар нимсолаи аввали сол дар иқтисод рӯи кор омад, замоне гузошта шуд, ки мо иқтисодро қатъ накардем, мардумро ба  узлатнишинӣ нафиристодем ва равиши возеҳро барои табобати одамон таҳия намудем ”, - таъкид дошт Лукашенко.

 

 

ИМА аз “Толибон” хост, ки амалиёти ҷангиро дар Афғонистон қатъ созад

Известия. Намояндаи махсуси ИМА дар Афғонистон Залмай Халилзод ба Доҳа, ки он ҷо гуфтушунидҳо оид ба вазъи Афғонистон идома доранд, сафар кард. Дар ин бора Департаменти давлатии Амрико хабар дод.

Зикр мегардад, ки дар ҷараёни сафари худ Халилзод талош хоҳад кард, ки “дар таҳияи як вокуниши муштараки байналмилалӣ ба вазъи босуръат бадшавандаи Афғонистон мадад расонад”. Илова бар ин, таъкид мешавад, ки намояндаи ИМА ба “Толибон” фишор меорад, то ҳамлаи низомии худро қатъ кунанд ва дар мавриди ҳалли банизомдарории сиёсӣ созиш намоянд.

"Иёлоти Муттаҳидаи Амрико ҳамкориро бо ҳама ҷонибҳо, инчунин, бо ҷонибҳои манфиатдори минтақавӣ ва байналмилалӣ идома медиҳад, то ки дар мавриди ҳалли банизомдарории сиёсӣ ба созиш бирасанд", - гуфта мешавад дар изҳорот.