Мунтахаби кишвар бо сармураббии нав омодагиро оғоз кард

Мутахассис аз Афғонистон Юсуф Муҳаммад Содиқ сармураббии нави тими мунтахаби Тоҷикистон оид ба волейбол таъйин гардидааст. 

Бар пояи иттилои Муҳиб Латифов, котиби генералии Федератсияи волейболи кишвар, тими мунтахаб, аллакай, зери роҳбарии Юсуф Муҳаммад тамринҳои худро дар шаҳри Хоруғ барои ширкат дар Чемпионати минтақаи Осиёи Марказӣ (Фарғона, Ӯзбекистон) шурӯъ намуд. 

Ёдовар мешавем, ки мутахассиси афғонистонӣ дорандаи унвони мураббигии «level 3»-и Федератсияи байналмилалии волейбол мебошад. 

 

 

ФУТБОЛ

Месси дар "ПСЖ" чӣ қадар маош ва таҳти рақами чанд бозӣ мекунад?

Пас аз сару садоҳои зиёд футболбози 34-солаи аргентинӣ Леонел Месси ба дастаи «Пари Сен-Жермен» гузариш кард. Санаи гузариши ӯ (10 август) дар таърихи футбол ҳамчун рӯзе сабт мешавад, ки Месси аз «Барселона» ба «ПСЖ» омад. 

Бозигар дар тими наваш таҳти шумораи 30 ҳунарнамоӣ мекунад.

Шартнома миёни даста ва футболбоз аз рӯи нақшаи 2+1 баста шуда, соле 35 миллион евро маош мегирад. 

 

Маҳмуд БАҲРОМ, шореҳи варзиш