Шаббос Чемпионати ҷаҳонро бо пирӯзӣ оғоз кард

 

Боксчии тоҷик Шаббос Негматуллоев (80 кг) дар даври аввали Чемпионати ҷаҳон (24 октябр – 6 ноябр, Белград, Сербия) бар Силвие Счерли (Олмон) ғолиб омад.

Ёдовар мешавем, ки дар ин мусобиқот ба ғайр аз Шаббос боз 7 муштзани  дигар Хисравхон Раҳимов (57кг), Абдураҳмон Ёқубов (60кг), Баҳодур Усмонов (63,5кг), Саидикром Амонов (67кг), Абдумалик Болтаев (75кг), Парвиз Каримов (92кг) ва Ҷаҳон Қурбонов (+92кг) иштирок дорад. 

 

 

ЧАВГОНБОЗӢ

Душанбе – 1 ғолиби мусобиқаи ҷумҳуриявӣ

 

Дастаи Душанбе – 1 дар мусобиқаи ҷумҳуриявӣ оид ба чавгонбозӣ миёни наврасони то 16-сола пирӯз шуд. 

Ба иттилои Федератсияи чавгонбозӣ, дар мусобиқа тимҳои Душанбе – 1, Душанбе – 2, Душанбе – 3, Хатлон – 2, Рӯдакӣ дар як давр миёни ҳам қувваозмоӣ карданд. 

Зинаҳои дуюму сеюм насиби дастаҳои Рӯдакӣ ва Душанбе – 3 гашт.

 

Маҳмуд БАҲРОМ, 

шореҳи варзиш