Гӯштигири тоҷик Темур Раҳимов дар Гранд Слами Боку сазовори медали нуқра шуд. 

Ӯ то даври ниҳоӣ бар Тиаго Палмини (Бразиля) ва Свен Ҳинле (Олмон) ғолиб омада, дар финал аз Татсуру Саитои ҷопонӣ шикаст хӯрд. 

 

 

ҶОМИ ТОҶИКИСТОН – 2021

«СОРО КОМПАНИЯ» ИН МАВСИМ ҲАМАИ ҶОИЗАҲОРО АЗ ХУД КАРД

Дастаи «Соро компания» (Душанбе) дар бозии финалии Ҷоми Тоҷикистон – 2021 оид ба футзал тими «Сипар» (Хуҷанд)-ро бо ҳисоби 4:2 мағлуб намуда, сазовори ҷом гардид. 

Ҳамин тавр, «Соро компания» зери роҳбарии сармураббӣ Пайрав Воҳидов дар мавсими имсола ҳамаи ҷоизаҳои дохилиро (Суперҷом, Ҷоми Лигаи касбии футзал ва Ҷоми Тоҷикистон) ба даст овард.

 

 

ТЕННИС

ҶОКОВИЧ ҒОЛИБИ «МАСТЕРС»-И ПАРИЖ ШУД

Дар зӯрозмоии ҳалкунандаи мусобиқоти «Мастерс»-и Париж, ракеткаи якуми ҷаҳон – Новак Ҷокович теннисбози рус – Даниил Медведевро бо натиҷаи 2:1 (4:6, 6:3, 6:3) ба бохт рӯ ба рӯ кард. 

Баъд аз ин пирӯзӣ Ҷокович қаҳрамони «Мастерс»-и Париж гардид ва Даниил Медведев натавонист, ки унвони чемпиониро ҳифз кунад. 

 

Маҳмуд БАҲРОМ, 

шореҳи варзиш