Моддаи 1. Ба Қонуни Ҷумҳурии Тоҷикистон «Дар бораи амнияти нақлиётӣ» аз 3 июли соли 2012 (Ахбори Маҷлиси Олии Ҷумҳурии Тоҷикистон, с.2012, №7, мод.697) тағйироти зерин ворид карда шавад:

1. Дар моддаи 1:

- дар сархати чорум калимаҳои «мақоми» ва «ваколатдор» мувофиқан ба калимаҳои «мақомоти» ва «муайян» иваз карда шаванд;

- дар сархати ҳаштум калимаи «мақоми» ба калимаи «мақомоти» иваз карда шавад.

2. Аз матни моддаи 2 калимаи «(Сарқонуни)» хориҷ карда шавад.

3. Дар қисми 2 моддаи 5, қисмҳои 1 ва 3 моддаи 6, қисмҳои 1 ва 2 моддаи 7, моддаи 9, қисмҳои 1 ва 2 моддаи 10, сархати чоруми қисми 2 моддаи 12, сархатҳои якум ва дуюми қисмҳои 1 ва 2 моддаи 13 калимаи «мақоми» ба калимаи «мақомоти» иваз карда шавад.

Моддаи 2. Қонуни мазкур пас аз интишори расмӣ мавриди амал қарор дода шавад.

 

Президенти Ҷумҳурии 

Тоҷикистон       Эмомалӣ РАҲМОН

ш. Душанбе, 23 декабри соли 2021, № 1846

 

Қарори Маҷлиси намояндагони 

Маҷлиси Олии Ҷумҳурии Тоҷикистон

Дар бораи қабул кардани Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи амнияти нақлиётӣ»

 

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи амнияти нақлиётӣ» қабул карда шавад. 

 

Раиси Маҷлиси намояндагони 

Маҷлиси Олии Ҷумҳурии Тоҷикистон М. ЗОКИРЗОДА

ш. Душанбе, 16 июни соли 2021, № 443

 

Қарори Маҷлиси миллии 

Маҷлиси Олии Ҷумҳурии Тоҷикистон

Дар бораи Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи амнияти нақлиётӣ»

 

Мутобиқи моддаи 60 Конститутсияи Ҷумҳурии Тоҷикистон, моддаи 59 Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи амнияти нақлиётӣ»-ро баррасӣ намуда, қарор мекунад:

Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи амнияти нақлиётӣ» ҷонибдорӣ карда шавад.

 

Раиси Маҷлиси миллии Маҷлиси 

Олии Ҷумҳурии Тоҷикистон                 Рустами ЭМОМАЛӢ

ш. Душанбе, 17 декабри соли 2021, № 219