Моддаи 1.  Ба Қонуни Ҷумҳурии Тоҷикистон  «Дар бораи адабиёти таълимӣ» аз 26 июли соли 2014 (Ахбори Маҷлиси Олии Ҷумҳурии Тоҷикистон, соли 2014, №7, қ.2, мод. 419 ) тағйиру иловаҳои зерин ворид карда шаванд:  

1. Ба сархатҳои дуюм ва ҳафтуми моддаи 1, матни моддаи 3, сархати шашуми моддаи 4, сархати чоруми моддаи 6, ном ва матни моддаи 7, сархати якуми моддаи 8, ном ва матни моддаи 10, сархатҳои чорум ва панҷуми моддаи 11, қисмҳои  3 ва 7 моддаи 13, сархати якуми қисми 1 ва қисми 4  моддаи 14, қисми 1, сархатҳои якум, дуюм ва чоруми қисми 2 ва қисми 3 моддаи 15, қисмҳои 2 ва 4 моддаи 16, қисмҳои 2 ва 3 моддаи 17 ва қисми 2 моддаи 19  пас аз калимаи «маориф» калимаҳои «ва илм» илова карда шаванд.

2. Аз матни моддаи 2 калимаи  «(Сарқонуни)» хориҷ карда шавад. 

3. Ба моддаи 8 сархати сеюм бо мазмуни зерин илова карда шавад:

«- ба нашри адабиётҳои илмию таълимии тахассусӣ ва соҳавӣ мусоидат менамоянд;».

4. Дар сархати ҳафтуми моддаи 11 калимаҳои «оинномаҳо ё санадҳои дигари меъёрии ҳуқуқӣ пешбинӣ намудаанд» ба калимаҳои «оинномаҳо ва қонунгузории Ҷумҳурии Тоҷикистон пешбинӣ намудаанд» иваз карда шаванд.

5. Ба қисми 1 моддаи 14 сархати шашум бо мазмуни зерин илова карда шавад:

 «- мутобиқат ба анъанаҳои миллӣ, эҳтиром ба рамзҳои давлатӣ, муқаддасот ва арзишҳои миллӣ;».

Моддаи 2.  Қонуни мазкур пас аз интишори расмӣ мавриди амал қарор дода шавад.

 

Президенти Ҷумҳурии 

Тоҷикистон           Эмомалӣ РАҲМОН

ш. Душанбе, 23 декабри соли 2021, № 1837

 

Қарори Маҷлиси намояндагони 

Маҷлиси Олии Ҷумҳурии Тоҷикистон

Дар бораи қабул кардани  Қонуни Ҷумҳурии Тоҷикистон «Оид ба  ворид намудани тағйиру иловаҳо ба Қонуни Ҷумҳурии Тоҷикистон «Дар бораи адабиёти таълимӣ» 

 

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи адабиёти таълимӣ»   қабул карда шавад.

 

Раиси Маҷлиси намояндагони

Маҷлиси Олии Ҷумҳурии Тоҷикистон     М.  ЗОКИРЗОДА

ш. Душанбе, 23 июни соли 2021, № 461

 

Қарори Маҷлиси миллии 

Маҷлиси Олии Ҷумҳурии Тоҷикистон

Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи адабиёти таълимӣ»

 

Мутобиқи моддаи 60 Конститутсияи Ҷумҳурии Тоҷикистон, моддаи 59 Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи адабиёти таълимӣ»-ро баррасӣ намуда, қарор мекунад: 

Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи адабиёти таълимӣ» ҷонибдорӣ карда шавад.

 

Раиси Маҷлиси миллии Маҷлиси 

Олии Ҷумҳурии Тоҷикистон Рустами ЭМОМАЛӢ

ш. Душанбе,  17 декабри соли 2021, № 210