Мир 24. Сарвари давлат Қосим-Жомарт Токаев дастур дод, ки барои муайян кардани сабабҳои  бетартибӣ дар Қазоқистон ва ба ҷавобгарӣ кашидани ҳамаи гунаҳкорон гурӯҳи тафтишотӣ таъсис дода шавад,- хабар медиҳад хадамоти матбуоти президент.

 

ТАСС. Дар робита ба хоҳиши роҳбарияти Қазоқистон, воҳидҳои Неруҳои дастаҷамъии посдори сулҳи СААД рӯзи панҷшанбе дар  ҳудуди ин кишвар ба иҷрои вазифаҳои худ  шуруъ карданд.

 

Барои неруҳои посдори сулҳи СААД ин амалиёт дар таърих аввалин  мебошад - қаблан онҳо танҳо дар машқҳо ширкат доштанд.

 

РБК. Нисбати шаш ширкати қазоқистонӣ, ки гази моеъ мефурӯшанд, тафтишот идома дорад. Онҳо дар созиш  оид ба баланд бардоштани нарх гумонбар мешаванд, - хабар дод намояндаи  Агентии оид ба ҳимоя ва рушди рақобати Қазоқистон дар шабакаи телевизионии «Хабар 24».

 

ТАСС. Иттиҳоди Аврупо (ИА)  соли 2021 ба кишварҳои фақири ҷаҳон тавассути механизми байналмилалии COVAX 380 миллион воя ваксинаи зидди коронавирус  дастрас кардааст. Дар ин бора  раиси Комиссияи Аврупо   Урсула фон дер Ляйен   хабар дод.

 

Синхуа. Президенти Ӯзбекистон Шавкат Мирзиёев ва Президенти Қазоқистон Қосим-Жомарт Токаев   зимни   гуфтугӯи телефонӣ  доир ба вазъи Қазоқистон,   тадбирҳои андешидашуда ҷиҳати ба эътидол овардани он ва ҳарчи зудтар барқарор намудани сулҳу оромӣ дар ҷумҳурӣ табодули афкор намуданд.

 

ТАСС. Вазирони корҳои хориҷии кишварҳои узви НАТО  имрӯз  видеоконфронси  фаврӣ баргузор карда, дархостҳои Россияро дар бораи масоили амнияти Аврупо баррасӣ мекунанд ва дар ҷаласаи Шурои НАТО – Россия  рӯзи 12 январ саъй хоҳанд кард, ки мавқеи  ягона барои музокира бо Россияро таҳия кунанд.