Маркази ташхисӣ - тиббии «Нури шифо» аз марказҳои табобатии муосире ба шумор меравад, ки дар он барои ташхису муайян намудани беморӣ ва табобати дурусти онҳо шароити хуб фароҳам аст.

Дар марказ бемориҳои гуногуни занонаву мардона, аз ҷумла простатит, безуриётии мардон, асаб, санги гурда табобат мешаванд. Ҳамчунин, табибони баландихтисоси марказ ба ҷавонону занон хизматрасониҳои косметологӣ мерасонанд. 

Бо назардошти зуҳури пандемияи COVID-19 ва ҳанӯз ҳам ногувор боқӣ мондани вазъи тандурустӣ дар саросари ҷаҳон, аз ҷумла хавфи сироятёбии аҳолии Тоҷикистон аз шакли нави ин беморӣ, ба марказ мутахассисони баландпояи соҳавӣ ҷалб гардидаанд. Бо иқдоми Дилбар Исмоилова, сардухтури марказ, кормандон нахуст  анализи шахси муроҷиаткунандаро бо методи таҳқиқотӣ – лаборатории иммуноферментӣ ва иммунохемилюминетсентӣ муайян менамоянд, баъдан дигар таҳлилҳои лабораторӣ, аз ҷумла ташхиси ултрасадо, анҷом медиҳанд. 

Гуфтан бамаврид аст, ки  дар марказ тамоми намуди таҳлилҳо гузаронда мешаванд, ки ин ба муроҷиаткунандагон имкон медиҳад  ба дармонгоҳу ташхисгоҳҳои дигар нарафта, бе  сарсониву саргардонӣ  ва сарфаи вақт ҳам ташхис ва ҳам табобат гиранд.

Шуҳрат Исмоилов,  асабшинос, табиби дараҷаи олӣ, ба табобати бемории системаҳои асаб машғул аст. Вай собиқаи кории беш аз 25 - сола дошта, дар таҷрибаи амалии худ аз усулҳои анъанавӣ ва ғайрианъанавии тибби Шарқ, яъне сӯзандармонӣ низ хеле хуб истифода мебарад ва дар ин самт муваффақ гардидааст. Беморони асаб метавонанд аз машварат ва маслиҳатҳои табиб Шуҳрат Исмоилов дар шароити хубу бофароғати ҳуҷраи сӯзандармонӣ ва бо шунидани мусиқии форами дилнавоз ҳангоми сӯзандармонӣ баҳравар гарданд.

Бешим Одилов, табиби дараҷаи олӣ,  уролог – андролог дар муолиҷаи бемориҳои музмин ва шадиди роҳҳои пешоброн, гурда, предстательной железы, безуриётии мардон комёб гардидааст. Ӯ чун табиби ҳозиқ дониши мукаммали андӯхтаашро ҷиддан баҳри беҳтару хубтар ташхис ва муолиҷа намудани беморон равона менамояд. Мавриди зикр аст, ки Бешим Одилов усулҳои махсуси ташхис, пешгирӣ ва табобати простатити музмин ва безуриётии мардонаро дорад ва дар ин самт усулҳояшро ҳангоми ба табобат фаро гирифтани бемориҳои санги гурда, халалёбии потентсия, дисфунксияи эректилӣ истифода намуда, муваффақ гардидааст.

Дар самти  косметологӣ бошад, яъне ботулинотерапия, бартарафсозии ожангҳои қиёфавӣ, лифтинг, беҳтарнамоии инъексионии сифати пӯст (биоревитализация, мезотерапия), пилинг (тозанамоии рӯй бо роҳи механикӣ, тозанамоии рӯй бо роҳи ултрасадоӣ), ҷавонсозии лазерӣ (рӯй, даст, доғи захм) ба шумо мутахассиси баландихтисос - Арутюнян Елена Радиковна кумак мерасонад. Арутюнян Елена ҳам дерматолог, ҳам ҷарроҳ ва ҳам косметологи моҳир мебошад. Агар шумо аз мушкилоти тағйирёбии синнусолӣ дар пӯст нороҳат ҳастед, мехоҳед бо гузашти солҳо ҷавонии рӯятонро аз даст надиҳед ва аввалин нишонаҳои пиршавиро бартараф намоед, ба маркази тиббии «Нури шифо» ба косметолог ва ҷарроҳ Арутюнян Елена муроҷиат намоед. Ҳамчунин, дар марказ Дилбар Исмоилова, табиби момодоя-гинеколог, табиби дараҷаи олӣ, номзади илмҳои тиб ва Зуҳро Абдураҳимова – табиби момодоя - гинеколог, табиби дараҷаи  олӣ ва номзади илмҳои тиб фаъолият мебаранд, ки ба шумо баҳри рафъи бемориҳои занона кумак мерасонанд. 

Ба Маркази ташхисӣ - тиббии «Нури шифо» муроҷиат намуда, аз сифати баланди ташхису табобат баҳравар гардед. Нишонии марказ: шаҳри Душанбе, кӯчаи Айнӣ -17, телефон: + 992 – 44 - 600 – 77 – 11. 

 

Иронбӣ МӮСОЗОДА, «Ҷумҳурият»