Ҷашни Сада яке аз идҳои куҳантарин ва бузургтарини бостонии мардуми эронитабор,  аз ҷумла тоҷикон, ба шумор меравад. 

Баъди   ба   истиқлолият  расидан,  ҷашнҳои  миллиамон,  ки   садсолаҳо  ба кӯи фаромӯшӣ рафта буданд, эҳё  гардиданд. Хушбахтона, туфайли Истиқлоли давлатӣ ва дастгириҳои рӯзафзуни Асосгузори сулҳу ваҳдати миллӣ – Пешвои  миллат, Президенти Ҷумҳурии Тоҷикистон муҳтарам Эмомалӣ Раҳмон  имрӯзҳо, дар баробари дигар идҳо,  Ҷашни  Сада  дар    ҷумҳурӣ  бо шукӯҳу шаҳомати хоса таҷлил мегардад. 

Вобаста ба ин сана, кормандони Муассисаи давлатии “Китобхонаи оммавии вилояти Хатлон ба номи Садриддин Айнӣ дар шаҳри Кӯлоб” дар якҷоягӣ бо аъзоёни маҳфили “Фурӯғи субҳи доноӣ китоб аст” конфронси адабиро дар мавзуи «Фурӯғи Ҷашни Сада» баргузор намуданд. Тавре зикр гардид,  боиси  ифтихору хушнудист, ки Пешвои миллат, Президенти Ҷумҳурии  Тоҷикистон  муҳтарам Эмомалӣ  Раҳмон се ҷашни миллӣ – Меҳргон, Сада ва Наврӯзро идҳои  расмӣ  эълон  намуданд. Аз ин лиҳоз, моро мебояд, ки барои  поянда  нигоҳ доштани  онҳо, ки  дар  роҳи  худогоҳии  миллӣ  аҳамияти  бузург    доранд, талош варзем.

Ҳамзамон, дар чорабинӣ китобдорон намоиши пурмуҳтавою пурмазмунро таҳти унвони “Сада – ҷашни рӯшноӣ” пешкаши хонандагон ва меҳмонон карданд.  Сипас, хонандагон бо қироати шеър ва базму суруд хотири ҳозиронро шод намуданд.  Дар охир хонандагони фаъол   бо  туҳфаҳои хотиравии маъмурияти китобхона сарфароз гардиданд.

 

Саодат АБДУЛҲАКИМЗОДА, 

корманди Муассисаи давлатии “Китобхонаи оммавии вилояти Хатлон ба номи Садриддин Айнӣ 

дар шаҳри Кӯлоб”