БОКС 

Ширкати варзишгарони тоҷик дар чемпионати Осиё

27 феврал – 15 марти соли ҷорӣ дар пойтахти Урдун – шаҳри Уммон Чемпионати Осиё оид ба бокс миёни наврасону ҷавонон доир мегардад. Дар мусобиқот варзишгарони соли таваллудашон 2004 – 2005 (миёни ҷавонон) ва боксёрони соли таваллудашон 2006 – 2007 ҳуқуқи ширкат миёни наврасонро доранд.

Бар пояи иттилои Федератсияи бокси Тоҷикистон, кишвари моро 27 варзишгар: Меъроҷ Зоидов, Асламҷон Қурбонов, Бузургмеҳр Иксанов, Абубакр Муродов, Абдураҳим Ёқубов, Саддам Давлатов, Анӯшервон Ақназаров, Юсуф Фозилов, Нурланбек Ерматов, Диёр Султонов, Акмалҷон Абдувалиев, Парвиз Ахмедов, Фариза Ёқубова, Насиба Шарифзода, Бибиҷон Музаффарова, Бибинишастамо Холова (миёни ҷавонон) Анӯшервон Фозилов, Меъроҷ Суфиҷонов, Ҷаъфар Ҳакимов, Дамир Муибалихонов, Руслан Ғафуров, Рустамҷон Ашуров, Усмоншайх Усмонов, Мирзобахтиёрхон Атоев, Аъзам Фозилов, Фирӯз Раҷабов ва Ҳангома Исоева (байни наврасон) намояндагӣ мекунанд.

Боксёронро дар ин сафар мураббиён Парвиз Ахмедов, Носирҷон Азимов, Ҷамшед Султонов, Мамадҷон Сулаймонов, Саидхоҷа Маъмуров, Тоирҷон Аглухов, Масрур Шобеков, Муродхон Аскаров, Хуршед Абдуллоев ва директори иҷроияи Федератсияи бокси Тоҷикистон Комрон Файзов ҳамроҳӣ мекунанд.

 

ТЕННИС

Медведев дар бораи ракеткаи нави якуми чаҳон шудан чӣ гуфт?

Даниил Медведев, теннисбози рус, гуфтааст, ки вай метавонад дар ҳафтаи охири моҳи феврал аз Новак Ҷокович пеш гузашта, ракеткаи якуми ҷаҳон шавад. Агар ин тавр шавад, аз соли 2006 инҷониб аввалин бор ба ҷуз аз Ҷокович, Роҷер Федерер, Рафаэл Надал ва Энди Маррей дигар нафар пешсафи рейтинг мешавад.

- Шумо ҳеҷ гоҳ намедонед, ки пас аз панҷ сол, шояд ду сол ё чанд ҳафта чи мешавад. Дар тули 16 сол ин чор бозигар хати аввалро ишғол кардаанд, аммо рӯзе ин вазъият дигар мегардад. Ва, албатта, ҳама мехоҳанд, ки аввалин бошанд ва то ҳадди имкон дар он ҷо бимонанд. Ман худро ҳамчун пешгом ҳис намекунам, аммо хеле хуб аст, ки якум шуда, баъзе марҳалаҳоро паси сар кунам, - зикр кардааст теннисбоз дар мусоҳиба бо ТВ «Теннис».

 

Маҳмуд БАҲРОМ, шореҳи варзиш