«Ҳосилот» ва «Регар-ТадАЗ» дар финал

Дар рақобатҳои даври нимниҳоии Ҷоми Федератсияи футболи Тоҷикистон – 2022 дастаи «Ҳосилот» (Фархор) бар «Хатлон» (Бохтар) ва «Регар-ТадАЗ» (Турсунзода) бар «Файзканд» (Восеъ) пирӯз омада, ба финал роҳ ёфтанд.

Бар пояи иттилои ФФТ, вохӯрии ниҳоӣ 26 феврал дар Варзишгоҳи марказии ҷумҳуриявии шаҳри Душанбе баргузор мегардад. 

 

 

ЛИГАИ ЧЕМПИОНҲО  

Зӯрозмоиҳои якуми даври 1/8 ниҳоӣ бо чӣ натиҷа хотима ёфтанд?

Бозиҳои аввали даври 1/8 финали Лигаи чемпионҳои УЕФА бо чунин натоиҷ ба анҷом расиданд: 

«ПСЖ» – «Реал» – 1:0, «Спортинг» – «Манчестер Сити» – 0:5, «Ред Булл Залтсбург» – «Бавария» – 1:1, «Интер» – «Ливерпул» – 0:2, «Челси» – «Лилл» – 2:0, «Вилярреал» – «Ювентус» – 1:1, «Атлетико» – «Манчестер Юнайтед» – 1:1 ва «Бенфика» – «Аякс» – 2:2.     

Қувваозмоиҳои ҷавобӣ  9 – 10 ва 16 – 17 март баргузор мегарданд.  

 

 

СОЗМОНИ ҲАМКОРИИ ШАНХАЙ

Ӯзбекистон ташаббускори ниммарафони байналмилалӣ 

Тибқи иттилои uza.uz (Агентии миллии иттилоотии Ӯзбекистон), Ӯзбекистон нақша дорад, ки дар чаҳорчӯбаи раёсаташ дар Созмони ҳамкории Шанхай аввалин ниммарафони байналмилалии СҲШ-ро баргузор намояд. 

Манбаъ меафзояд, ки ниммарафон дар доираи марафони IV байналмилалии «Наврӯз», ки 27 март доир мегардад, дар назар аст. 

 

Маҳмуд БАҲРОМ, шореҳи варзиш