Мир24. Маросими савгандёдкунии Президенти тозаинтихоби Туркманистон рӯзи шанбе дар Ашқобод баргузор мегардад. Сердар Бердимуҳамедов 40 – сола буда, ҷавонтарин Президент дар Осиёи Марказӣ  маҳсуб мешавад.

«Ҷараёни интихоботро беш аз 2700 нозир аз ҳизбу иттиҳодияҳои ҷамъиятӣ ва 75 нозири байналмилалӣ назорат карданд. 

Роҳбарони миссияҳо дар нишасти матбуотӣ изҳор доштанд, ки интихобот ором, қонунӣ ва шаффоф баргузор шуд, ки ин аз содиқ будани Туркманистон ба роҳи демократии рушд шаҳодат медиҳад”, - гуфт Мердан Халбаев, сармутахассиси шуъбаи технологияҳои рақамии КМИР.

Дар ҷаласаи васеи Ҳукумат натоиҷи интихоботи гузашта баррасӣ шуд. Иштирокдорон Сердар Бердимуҳамедовро табрик гуфта, ба ӯ комёбиҳо таманно карданд.

 

 

 

Донишмандони итолиёвӣ бар зидди қатъи ҳамкорӣ бо Россия баромад карданд

ТАСС. Олимони итолиёвӣ аз тавсияҳои Вазорат оид ба кори донишгоҳҳо ва таҳқиқоти Италия дар бораи қатъи ҳамкорӣ бо институтҳои илмӣ ва академии Россия изҳори таассуф ва ноумедӣ карданд.

Иттифоқи касабаи кормандони илм ва маорифи Италия хотиррасон кард, ки «дониш бояд вазифаи муҳимтарини гражданӣ дошта бошад».   «Мо умедворем, ки тибқи мухторияти академикӣ, омӯзгорон, роҳбарони муассисаҳои таълимӣ, муҳаққиқон ва профессорон тасмим хоҳанд гирифт, ки тавсияи рӯйгардонӣ аз маориф ва илми Россияро пайравӣ накунанд», - мухолиф баромаданд кормандони илмӣ.

 

 

Дабири кулли Шурои Аврупо дар бораи хуруҷи Россия аз Иттиҳоди Аврупо огоҳинома гирифт

 

Gazeta.ru. Дабири кулли Шурои Аврупо Мария Пейчинович-Бурич дар бораи он ки Россия аз Шурои Аврупо хориҷ мешавад ва Конвенсияи Аврупо оид ба ҳуқуқи башарро рад мекунад, огоҳиномаи расмӣ гирифт.

10 март Россия тасмим гирифт, ки аз Шурои Аврупо хориҷ шавад. Вазири корҳои хориҷӣ Россия Сергей Лавров номаи дахлдорро ба Дабири кулли созмон супурд. 

Муовини раиси Думаи давлатӣ ва роҳбари ҳайати парлумонии Федератсияи Россия дар ПАСЕ Петр Толстой дар шабакаи телеграми худ гуфт, ки тасмим дар бораи хуруҷи Россия аз Шурои Аврупо гирифта шудааст ва кишварҳои НАТО масъули қатъи муколама байни Россия ва Шурои Аврупо мебошанд.

Ба гуфтаи вай, кишварҳои  эътилоф бо ҳадафи амалӣ кардани манофеи геополитикии худ ва ҳамла ба Россия аз мавзуи ҳуқуқи башар истифода кардаанд.