Хонандагони Муассисаи давлатии таҳсилоти “Литсей барои хонандагони болаёқат”- и шаҳри Кӯлоб дар Олимпиадаи байналмилалии Future Intelligance Students Olympiyad (ФИСО), ки чанде қабл миёни 26 давлати ҷаҳон тариқи фосилавӣ аз фанҳои забони англисӣ, математика, табиатшиносӣ ва санъати тасвирӣ баргузор гашт, иштирок карда, сазовори натиҷаҳои назаррас шуданд. 

 

Дилафрӯз Раҷабзода, директори Муассисаи мазкур, иттилоъ дод, ки дар олимпиада беш аз 4 ҳазор хонанда аз мамлакатҳои гуногун иштирок дошт. Аз ҷумла, 136 таълимгирандаи Муассисаи давлатии таҳсилоти “Литсей барои хонандагони болаёқат”-и шаҳри Кӯлоб фаъолона иштирок намуда, тибқи натиҷагирӣ 2 нафар соҳиби медали тилло, 8 нафар нуқра ва 9 биринҷӣ гашта, 53 нафар ҷойи ифтихорӣ ва 64 кас иштирокчии фаъол гардиданд.   

 

Далер ШАРИФОВ,

мудири бахши матбуоти МИҲД-и шаҳри Кӯлоб