Мир24. Бино ба иттилои Вазорати корҳои дохилии Фаронса, бар асоси натоиҷи шумориши аслии овозҳо дар даври дуюми интихоботи президентии Фаронса, Эммануэл Макрон, президенти феълӣ, пирӯз шуд.  

Ӯ 58,5 дарсад ва рақибаш, номзад аз ҳизби “Иттиҳоди миллӣ” Марин Ле Пен 41,5 дарсади овозҳоро ба даст овардаанд.

Макрон табрикоти сарварони дигар давлатҳоро қабул менамояд, Ле Пен бошад, шикасташро эътироф кард ва эътирозҳо дар шаҳрҳои бузурги Фаронса ҷараён доранд.

 

 

Россия аз камбуди муҳоҷирон гуфт

Lenta.ru. Дар тобистон Россия шояд ба норасоии муҳоҷирон мувоҷеҳ шавад, ки ин метавонад боиси камбуд дар бозори меҳнат гардад. Чунин вазъро президенти Федератсияи муҳоҷирони Россия Вадим Коженов пешгӯйӣ намуд.

Ба андешаи ӯ, муҳоҷирон ба далели гаронии чипта ва нигарониҳо аз наёфтани ҷойи кор дар Россия метавонанд ба кори мавсимии анъанавии худ дар бахши кишоварзӣ ва бӯстонсаройҳои тобистона наоянд. “Онҳо ҳоло ба ин ҷо шитоб намекунанд. Нархи чиптаҳо боло рафтааст, овозаҳои гуногуни бардурӯғ паҳн мешаванд, аз ин рӯ, возеҳ аст, ки одамон дар гирифтани иқдом барои сафар ба Россия эҳтиёткортаранд”, - гуфт Коженов. 

Норасоии муҳоҷирон метавонад боиси камбуди коргарон дар соҳаҳои дигар низ шавад. Бо вуҷуди ин, Коженов ба мавҷуд набудани тағйироти ҷиддие, ки метавонад ба омори умумӣ таъсир расонад, ишора кард. 

 

 

Лукашенко: “Биёед дӯстона зиндагӣ кунем”

РБК. Александр Лукашенко: “Агар шумо сарзамини Беларусро аз даст диҳед, на саломатӣ хоҳед дошт ва на хушбахтӣ”.

Лукашенко Пасха ва Рӯзи Ғалабаро ҷашнҳои бузургу дурахшон номид ва зикр кард, ки ҳоло диндорон аз Худо чизи асосӣ - сулҳу оромӣ ва дӯстиро талаб менамоянд. Вай, инчунин, гуфт, ки халқи Беларус талаби онро дорад, ҳеҷ гоҳ ҷанг сар нашавад.

“Биёед дӯстона зиндагӣ кунем. Мехостам аз ҳамтоёни худ-сиёсатмадорон  даъват намоям: биёед барои мардуми худ мушкил эҷод накунем, онҳо ҳанӯз басандаанд”.

 

 

Гуфтугӯи дабири кулли СММ бо Эрдоган

 

Мир24. Дабири кулли СММ Антониу Гутерриш як рӯз пеш аз мулоқот бо Роҳбари Россия Владимир Путин бо Президенти Туркия Реҷеп Тайип Эрдоган мулоқот хоҳад кард.

Вохӯрии Гутерриш ва Эрдогон имрӯз дар Анқара баргузор мегардад.

Рӯзи дигар Дабири кулли СММ вориди Маскав мешавад ва дар он ҷо бо Владимир Путин ва вазири корҳои хориҷии Россия Сергей Лавров мулоқот менамояд.

28 апрел Гутерриш вориди Киев мешавад, то бо Владимир Зеленский, Президенти Украина ва Дмитрий Кулеба, вазири корҳои хориҷии ин кишвар суҳбат намояд.