Пирӯзии КВМА ва истеъфои сармураббии «Хуҷанд» 

Дар бозии марказии даври 4-уми Чемпионати Тоҷикистон оид ба футбол миёни дастаҳои Лигаи олӣ «Хуҷанд» дар майдонаш аз КМВА бо ҳисоби 1:2 мағлуб гардид. Пас аз ин бохт Рустам Хоҷаев, сармураббии «Хуҷанд», аз мақомаш истеъфо дод.

Бар пояи иттилои Лигаи футболи кишвар, дар қувваозмоии дигар «Хатлон» бо натиҷаи 1:0 бар «Файзканд» зафар ёфт.

Натиҷаи ду вохӯрии дигар: «Истаравшан» – «Регар-ТадАЗ» – 0:1, «Равшан» (Кӯлоб) – «Равшан» (Зафаробод) – 1:1.

 

«Реал Бетис» ғолиби Ҷоми Испания  

 

Тими футболи «Реал Бетис» пас аз шикаст додани дастаи «Валенсия» бори сеюм барандаи Ҷоми Испания гашт. 

Қисми асосӣ ва изофии бозӣ мусовӣ (1:1) хотима ёфт. Дар силсилазарбаҳои 11-метра «Реал Бетис» 5:4 ғолиб омад. 

Қаблан, даста солҳои 1977 ва 2005 соҳиби ҷом шуда буд. 

 

“ПСЖ” пеш аз муҳлат қаҳрамони Лигаи 1 гардид

 

Дастаи «Париж Сен-Жермен» баъди мусовӣ (1:1) бо «Ланс» дар даври 34-уми чемпионати Фаронса бо 78 хол пеш аз муҳлат қаҳрамон шуд. 

Бозигарони парижӣ бори 10-ум қаҳрамони Лигаи 1 гардида, нишондоди рекордии тими «Сент-Этйен»-ро такрор карданд. 

 

Рекорди «Бавария» 

 

«Бавария» маротибаи 10-ум пайиҳам чемпиони Бундеслига гашта, дар ТОП-5 Чемпионати Аврупо рекорд гузошт. 

Бошгоҳи шаҳри Мюнхен аз тими «Ювентус»,  ки 9 маротиба ғолиби Серияи А шуда буд, пеш гузашт.

 

Рублёв Serbia Open-ро фатҳ кард

Теннисбози рус Андрей Рублёв пас аз шикаст додани ракеткаи якуми ҷаҳон Новак Ҷокович (6:2, 6:7 (4:7), 6:0) ғолиби мусобиқоти Serbia Open (ATP 250, Белград, Сербия) гашт. 

Бар пояи иттилои sportbox.ru, ин 11-умин ҷоиза дар корнома ва сеюмин дар мавсими имсолаи Рублёв мебошад. 

 

Маҳмуд БАҲРОМ, 

шореҳи варзиш