- Ҳошим Гадоев на танҳо актёри бузург, балки ягона ҳунарманди ҳамосавии имрӯз  дар тамоми ҷаҳон аст. Чунин бозигарон танҳо дар Эллада ва Руми Қадим буданд, ки ҳамчун атои худовандӣ асрори муъҷизаосои ҳулул шудан дар образро рӯйи саҳна медонистанд. 

Дар саҳнаи Ҳамосаҳои бузург актёр – эпик, яъне ҳунарманде, ки образҳои муҳташамро меофарид, танҳо нақш намебозид. Қалби оташбори ӯ руҳи қаҳрамонон ва худоёни Олимпро, ки нақшашонро меофарид, ба таҳрик меовард. Тамоми вуҷуди ӯ аз неруи бузурги осмонӣ қувват мегирифт. Чунин актёрон руҳи одамонро ҳам ба таҳрик меоварданд! Эҳсосотро то ба ҳадди ҷунун ва катарсис (покии маънавӣ) мерасонданд, пеши чашму дар замири инсонҳо симои Офаридгорро ба ҷилва меоварданд. Чунин бозигарони бузург, мутаассифона, танҳо то мелод арзи вуҷуд доштанду барои ҷовидона дар ёдҳо монданд. 

Дар аҳди мо чунин ҳунармандон хеле ноёбанд… Дар замони ҳукмронии насрониён мартабаи актёрон то ҳадди гӯшношунид паст рафт. Ҳодисаи фавқулода, балки муъҷизае рух доду дар садаи ХХ инсоне ба дунё омад, ки бемуҳобо  бо бузургоне чун Эсхил, Софокл, Еврипид, Афлотуну Арасту ва Фирдавсиву Шекспир ҳамнишин мешуд ва эшон аз дӯстӣ бо ӯ ифтихор мекарданд.  Имрӯз ҳам баъзан ба назар чунин менамояд, ки онҳо дар кӯчаҳои Душанбе бо бародари маънавиашон Ҳошим сайру гашт доранд.

Ҳошим Гадоев  мутафаккири нодир, файласуф ва адиб ҳам ҳаст! 

Ӯ дар ҳақиқат шахсияти фавқулода ва эҳёгари рӯзгори на он қадар қадимаи мост». 

 

Темур ЗУЛФИҚОРОВ, нависанда