Неъмат Қаробоев нахустин дорандаи унвони Қаҳрамони Иттифоқи Советӣ аз Тоҷикистон, ҳатто Осиёи Миёна аст, ки онро дар ҷанги СССР ва Финляндия соли 1940 сазовор гаштааст.

Ханжин Павел Семёнович, охирин Қаҳрамони Иттифоқи Советӣ аст, ки дар синни 84-солагӣ, дар шаҳри Душанбе 15.10.2007 вафот кард.

Охирин барандаи унвони Қаҳрамони Иттифоқи Советӣ аз Тоҷикистон, иштирокчии муҳорибаҳои ҳарбӣ дар Афғонистон (1982) Набӣ Акрамов мебошад.

Дар набардгоҳи Афғонистон сокини шаҳри Душанбе Мироненко Александр Григоревич, сержанти калони гвардия бо унвони Қаҳрамони Иттифоқи Советӣ (1980, баъди вафот) мукофотонда шудааст.

Аз ҳама зиёд унвони Қаҳрамони Иттифоқи Советӣ дар Ҷанги Бузурги Ватании солҳои 1941 - 1945 ба аскарону афсарони матин дода шудааст. Ҳамагӣ дар ин давра 11 ҳазору 739 нафар (аз ин миён 3051 нафар пас аз марг) бо ин унвон қадр шудааст.

135 нафар диловарони советӣ барои аз худ кардани техникаи авиатсионӣ (9 нафар пас аз марг), 84 нафар барои аз худ кардани кайҳон (2 нафар пас аз марг) бо унвони Қаҳрамони Иттифоқи Советӣ сазовор гаштаанд.

Барои иштирок дар муҳорибаҳои ҳарбӣ дар Афғонистон 85 нафар (28 нафар пас аз марг) аскарону афсарони советӣ бо унвони Қаҳрамони Иттифоқи Советӣ мушарраф шудаанд.

3 нафар Қаҳрамони Иттифоқи Советӣ баъдтар Қаҳрамони Россия шуд. Инҳо кайҳоннавардон Сергей Крикаёв ва Валерий Поляков, ҳамчунин, қутбгард (полярник) Артур Чилингаров мебошанд.

Аз 73 Қаҳрамони Иттифоқи Советӣ 7 нафар иштирокчии Ҷанги Бузурги Ватанӣ, 26 кайҳоннавард, 30 нафар иштирокдорони муҳорибаҳои ҳарбӣ дар Афғонистон, 10 нафар барои корнамоиҳои дигар бо мукофоти мазкур қадр гардидаанд.

 

Умари ШЕРХОН