Чорабиние, ки дар таъмини оммавияти варзиш нақш дорад

 

15 май дар саросари кишвар чорабинии Дави миллӣ баргузор гашт. Аз ҷумла, дар шаҳри Душанбе дар он беш аз 45 ҳазор нафар иштирок намуданд.

Дави миллӣ бори 15-ум аст, ки бо ташаббуси Президенти Ҷумҳурии Тоҷикистон муҳтарам Эмомалӣ Раҳмон дар доираи чорабиниҳо ба ифтихори Рӯзи ҷавонони Тоҷикистон баргузор мешавад.

Мақсад аз баргузории чорабинӣ таъмини оммавияти варзиш байни сокинон ва рушди соҳа мебошад.

 

CAFA – 2022 

Тоҷикистон тими Қирғизистонро  ноком сохт 

 

Мунтахаби наврасони Тоҷикистон таҳти роҳбарии Зайниддин Раҳимов дар даври аввали чемпионати Ассотсиатсияи футболи Осиёи Марказӣ (Душанбе, Варзишгоҳи марказии ҷумҳуриявӣ) миёни бозигарони то 16-сола тими Қирғизистонро бо ҳисоби 2:0 ноком сохт. 

Дар бозии дигар Ӯзбекистон ба дарвозаи Афғонистон шаш голи беҷавоб зад. 

Дар даври навбатӣ Эрон бо Қирғизистон ва Тоҷикистон бо Афғонистон неру месанҷанд.

 

 

ЛИГАИ ОЛӢ

Аз мусовии навбатии «Истиқлол» то пирӯзии «Хатлон» 

 

Бозии марказии даври 7-уми Чемпионати Тоҷикистон оид ба футбол миёни дастаҳои Лигаи олӣ байни тимҳои «Истиқлол» ва «Хуҷанд» мусовӣ (1:1) анҷом ёфт. 

Дар зӯрозмоии дигари ин давр «Хатлон» бо ҳисоби 1:0 дар сафар бар «Регар – ТадАЗ» ғалаба кард. 

Натиҷаи қувваозмоиҳои дигар: «Равшан-З» – «Файзканд» – 1:3, КМВА – «Эсхата» – 1:4, «Равшан-К» – «Истаравшан» – 1:0 .

 

 

«Соро компания»– ду карат барандаи Суперҷоми Тоҷикистон

 

Бошгоҳи «Соро компания» (Душанбе) барои дарёфти Суперҷоми Тоҷикистон оид ба футзал тими «Сипар» (Хуҷанд)-ро бо ҳисоби 4:2 мағлуб намуд. 

Соли дуюм аст, ки пайиҳам бозигарони шаҳри Душанбе барандаи Суперҷом мешаванд. 

 

Маҳмуд БАҲРОМ, шореҳи варзиш