Ҷолибияти Чемпионати Англия оид ба футбол то даври охир идома дошт. Зеро мақомҳои якум (“Манчестер Сити” 90) ва дуюмро (“Ливерпул” 89) ҳамагӣ як хол аз ҳам ҷудо мекард. Дар ин давр “Манчестер Сити” бо “Астон Вилла” ва “Ливерпул” бо “Вулверхэмптон” вохӯрданд.

Тими “Манчестер Сити” то дақиқаи 75 бозиро бо ҳисоби 2:0 бохта истода буд. Дар дақиқаи 76 Илкай Гюндоган гол зада, натиҷаро коҳиш дод ва пас аз ду дақиқаи дигар Родри ҳисобро баробар намуд. Ба Илкай Гюндоган муяссар гашт, ки дар дақиқаи 81-ум тӯби қаҳрамонии “Манчестер Сити”-ро ба самар расонад.

“Ливерпул” низ бо ҳисоби 3:1 ғолиб омад.  

 

“Милан” пас аз 11 сол қаҳрамон шуд

 

22 май мавсими навбатии чемпионати Италия ба охир расид. «Милан» пас аз 11 сол маротибаи 19-ум унвони қаҳрамониро ба даст овард. Дар даври ниҳоӣ «Милан» барои гирифтани унвони деринтизори худ “Сассуоло”-ро шикаст дод (3:0). 

Мақомҳои дуюм ва сеюмро «Интер» ва «Наполи» ишғол карданд. 

Ҳамин тариқ, дар мавсими нав «Милан», «Интер», «Наполи», Ювентус дар Лигаи чемпионҳо, «Латсио», «Рома» дар Лигаи Аврупо ва «Фиорентина» дар Лигаи Конференсия бозӣ мекунанд. 

 

CAFA – 2022 

16-солаҳои Эрон ғолиби мусобиқа 

 

Чемпионати Ассотсиатсияи футболи Осиёи Марказӣ (CAFA) байни дастаҳои наврасони то 16-сола хотима ёфт. Аз рӯи натоиҷи мусобиқот якбора ду даста – Эрон ва Ӯзбекистон 10 - холӣ ба даст овардаанд. Аммо ба далели тафовути тӯбҳо наврасони эронӣ чемпион шуданд.

Мизбони мусобиқа - мунтахаби Тоҷикистон бо чор хол мақоми сеюмро касб кард. 

 

Мелбурн мизбони Чемпионати ҷаҳон оид ба шиноварӣ 

Чемпионати ҷаҳон оид ба шиноварӣ (25 метр) дар Мелбурни Австралия (13 – 18 декабр) доир мегардад. Қаблан, мизбон Қазон эълон гардида буд. 

Дар иртибот ба ин тағйирот президенти Федератсияи байналмилалии шиноварӣ (FINA) Ҳусайн Ал-Мусаллам чунин гуфтааст: «Федератсияи байналмилалии шиноварӣ хушҳол аст, ки Австралия бори аввал Чемпионати ҷаҳонро мизбонӣ мекунад. Ин кишвар анъанаи бузурги шиноварӣ дорад ва мо бесаброна интизори сафар ба Мелбурнем».

 

Маҳмуд БАҲРОМ, 

шореҳи варзиш