Моддаи 1. Ба Қонуни Ҷумҳурии Тоҷикистон «Дар бораи ҳифзи муҳити зист» аз 2 августи соли 2011 (Ахбори Маҷлиси Олии Ҷумҳурии Тоҷикистон, с. 2011, № 7-8, мод. 614; с. 2014, № 11, мод. 669; с. 2017, № 7-9, мод. 572) тағйироти зерин ворид карда шаванд:

1. Дар қисми 2 моддаи 3 калимаҳои «мавзеъҳои табиии махсус ҳифзшавандаро» ба калимаҳои «ҳудудҳои табиии махсус муҳофизатшавандаро» иваз карда шаванд.

2. Дар муқаддимаи қисми 1 моддаи 6 калимаи «инҳо» ба калимаҳои «объектҳои зерини муҳити зист» иваз карда шавад.

3. Дар сархати дувоздаҳуми моддаи 8 калимаҳои «минтақаҳои махсус муҳофизатшавандаи табиӣ» ба калимаҳои «ҳудудҳои табиии махсус муҳофизатшаванда» иваз карда шаванд.

4. Дар сархати ёздаҳуми қисми 1 моддаи 9 калимаҳои «мавзеъҳои махсус муҳофизатшавандаи табиӣ» ва «мавзеъҳо» мувофиқан ба калимаҳои «ҳудудҳои табиии махсус муҳофизатшаванда» ва «ҳудудҳо» иваз карда шаванд.

5. Дар сархати сеюми қисми 2 моддаи 10 калимаҳои «мавзеъҳои махсус муҳофизатшаванда» ба калимаҳои «ҳудудҳои табиии махсус муҳофизатшаванда» иваз карда шаванд.

6. Дар қисми 2 моддаи 17 калимаҳои «минтақаҳо ва объектҳои махсус муҳофизатшаванда» ба калимаҳои «ҳудудҳои табиии махсус муҳофизатшаванда» иваз карда шаванд.

7. Номи боби 11 дар таҳрири зерин ифода карда шавад:

«БОБИ 11. ҲУДУДҲО ВА ОБЪЕКТҲОИ ТАБИИИ МАХСУС МУҲОФИЗАТШАВАНДА».

8. Дар қисми 2 моддаи 62 калимаҳои «мавзеъҳои табиии махсус муҳофизатшаванда», «мавзеъҳо» ва «Дар бораи ҳудудҳои табиӣ ва объектҳои махсус муҳофизатшаванда» мувофиқан ба калимаҳои «ҳудудҳои табиии махсус муҳофизатшаванда», «ҳудудҳо» ва «Дар бораи ҳудудҳои табиии махсус муҳофизатшаванда» иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

 

Президенти 

Ҷумҳурии Тоҷикистон      Эмомалӣ РАҲМОН

ш. Душанбе, 8 июни соли 2022, № 1880

 

ҚАРОРИ МАҶЛИСИ НАМОЯНДАГОНИ 

МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул кардани Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи ҳифзи муҳити зист»

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи ҳифзи муҳити зист» қабул карда шавад.

 

Раиси Маҷлиси намояндагони 

Маҷлиси Олии Ҷумҳурии Тоҷикистон             М. ЗОКИРЗОДА

ш. Душанбе, 27 апрели соли 2022,  № 711

 

ҚАРОРИ МАҶЛИСИ МИЛЛИИ 

МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи ҳифзи муҳити зист»

Мутобиқи моддаи 60 Конститутсияи Ҷумҳурии Тоҷикистон ва моддаи 59 Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи ҳифзи муҳити зист»-ро баррасӣ намуда, қарор мекунад: 

Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи ҳифзи муҳити зист» ҷонибдорӣ карда шавад.

 

Раиси Маҷлиси миллии 

Маҷлиси Олии Ҷумҳурии Тоҷикистон     Рустами ЭМОМАЛӢ

ш. Душанбе,  30 майи соли 2022,  № 267