УРА. РУ. Роҳбарони Вазорати молия ва Вазорати тандурустии Британияи Кабир Риши Сунак ва Саҷид Ҷовид бинобар норозигӣ бо кирдори Сарвазир Борис Ҷонсон истеъфо доданд. Дар ин бора вазирон дар Твиттер навиштаанд.  

 

АИР «Новости». Ҳукумати Қазоқистон бори дигар баровардани маҳсулоти нафтиро бо воситаи нақлиёти автомобилӣ ба берун аз кишвар ба муддати шаш моҳ манъ кард.  

 

RT. Панҷ мушак, ки эҳтимолан аз ҳудуди Афғонистон омадааст, ба минтақаи марзии Ӯзбекистон афтодааст, -хабар медиҳад Вазорати корҳои хориҷии Ҷумҳурии Ӯзбекистон. Дар натиҷаи афтидани мушакҳо  таркиш, талафот ва харобиҳо ба амал наомадаанд.

 

ТАСС. Прокуратураи музофотии иёлати Иллинойси ИМА алайҳи Роберт Кримо, гумонбар дар куштори ҳафт нафар ҳангоми парад бахшида ба Рӯзи истиқлолият дар шаҳри Ҳилленд – Парк,  парвандаи ҷиноятӣ боз кардааст.    

 

CentralAsia (KG). Ҷаласаи чоруми машваратии сарварони кишварҳои Осиёи Марказӣ  21 июл дар шаҳри Чолпон-Ата баргузор мешавад. Ба иттилои хадамоти матбуоти Президенти Қирғизистон, тамоми роҳбарони кишварҳои Осиёи Марказӣ даъватномаи ширкат дар ин чорабиниро, аллакай, пазируфтаанд.