Бахшида ба Рӯзи байналмилалии шоҳмот бо ибтикори Федератсияи шоҳмоти Тоҷикистон, дар шаҳри Душанбе Маркази шоҳмот мавриди истифода қарор гирифт. 

Бар пояи иттилои Кумитаи миллии олимпӣ, Марказ аз толори бузург, толори хурд ва ҳуҷраҳои корӣ иборат буда, шогирдон дар ин ҷо бозии шоҳмотро метавонанд бо забонҳои хориҷӣ омӯзанд. Ҳамчунин, минбаъд мусобиқаҳои шоҳмот дар ин марказ баргузор хоҳанд шуд.

Ба гуфтаи котиби генералии Федератсияи шоҳмоти Тоҷикистон Илҳом Юнусов феълан дас-таи мунтахаби шоҳмоти кишвар ба Олимпиадаи байналмилалии шоҳмот (28 июл, Ҳиндустон) омодагӣ мебинанд. 

 

 

 

БОКС 

Медали биринҷии Анушервон аз мусобиқаи байналмилалӣ

 

Муштзани кишвар Анушервон Ақназаров (67 кг) дар Мусобиқаи байналмилалии бокс миёни наврасон ба хотираи бародарон Урал ва Корган Айтановҳо (13 – 17 июл, Костанай, Қазоқистон) соҳиби медали биринҷӣ шуд.

Ӯ то нимфинал бар варзишгарони мизбон – Максим Штро ва Абилай Сман пирӯз гардид, вале дар ин давр аз Ҷавоҳир Уматалиев (Ӯзбекистон) шикаст хӯрд. 

Дар мусобиқа боксчиёни кишварҳои Қазоқистон, Қирғизистон, Ироқ, Лаҳистон, Покис-тон, Тоҷикистон ва Ӯзбекистон иштирок доштанд. 

 

 

БОЗИҲОИ ОСИЁ

кай ва дар куҷо доир мегардад?

Бо қарори Шурои олимпии Осиё 19-ум Бозиҳои Осиё дар Ҳангжоуи Чин аз 23 сентябр то 8 октябр баргузор мегардад. 

Бозиҳои Осиё бояд аз 10 то 25 сентябри соли 2022 доир мегашт, аммо бо сабаби пандемияи COVID-19 мавқуф гузошта шуд.

Ба барномаи бозиҳо 40 намуди варзиш ворид гардида, ҳудуди 10000 варзишгар аз 45 давлати қора барои 482 маҷмуи медалҳо талош мекунанд. Варзишгарони кишварҳои Уқёнус низ барои иштирок дар баъзе намудҳои варзиш даъват мешаванд, аммо дар сурати ғолибият ба онҳо медали ифтихорӣ тақдим мегардад.

Бояд гуфт, ки Бозиҳои Осиё зери сарпарастии Шурои олимпии Осиё аз соли 1951 ҳар чор сол як маротиба баргузор мешавад. Варзишгарони Тоҷикистон аз соли 1994 дар он ширкат дошта, сазовори 27 медал – 4 тилло, 6 нуқра, 17 биринҷӣ гардидаанд.

 

Маҳмуд БАҲРОМ, шореҳи варзиш