Моддаи 1. Ба Кодекси замини Ҷумҳурии Тоҷикистон, ки бо Қонуни Ҷумҳурии Тоҷикистон аз 13 декабри соли 1996 қабул шудааст (Ахбори Маҷлиси Олии Ҷумҳурии Тоҷикистон, с. 1996, №23, мод. 351; с. 1997,     №23-24, фасли IV,  мод. 333;  с. 1999, №5, мод. 59; с. 2001, №4, мод. 176; с. 2004, №2, мод. 55, №3, мод. 190; с. 2006, №7, мод. 347; с. 2008, №1, қ. 2, мод. 22, №6, мод. 463; с. 2011, №3, мод. 171; с. 2012, №4, мод. 269, №8, мод. 828; с. 2016, №11, мод. 879; с. 2021, №12, қ. 2, мод. 697, мод. 698,  мод. 699), тағйиру иловаҳои зерин ворид карда шаванд: 

1. Ба қисми сеюми моддаи 2 пас аз калимаҳои «муқаррар намудааст,» калимаҳои «ба даст оваранд ва» илова карда шаванд. 

2. Ба қисми сеюми моддаи 41 пеш аз калимаҳои «он ва» калимаҳои «ҳуқуқи истифодабарии» илова карда шаванд.

3. Дар номи боби 7 калимаҳои «ҳуқуқ оид ба замин» ба калимаҳои «ҳуқуқи истифодабарии қитъаи замин» иваз карда шаванд.

4. Дар моддаи 46:

- дар ном ва матни модда калимаҳои «ҳуқуқ оид ба замин» ва «ҳуқуқи оид ба замин» ба калимаҳои «ҳуқуқи истифодабарии қитъаи замин» иваз карда шаванд;

- дар қисми якум калимаи «шаҳрвандӣ» ба калимаи «гражданӣ» иваз карда шавад.

5. Дар ном ва матни моддаи 49 калимаҳои «ҳуқуқ ба» ба калимаҳои «ҳуқуқи истифодабарии» иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

 

Президенти 

Ҷумҳурии Тоҷикистон Эмомалӣ РАҲМОН 

ш. Душанбе, 19 июли соли 2022, № 1902

 

 

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Оид ба қабули Қонуни Ҷумҳурии Тоҷикистон 

«Дар бораи ворид намудани тағйиру иловаҳо ба 

Кодекси замини Ҷумҳурии Тоҷикистон»

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси замини Ҷумҳурии Тоҷикистон» қабул карда шавад.

 

Раиси Маҷлиси намояндагони 

Маҷлиси Олии Ҷумҳурии Тоҷикистон М. ЗОКИРЗОДА

ш. Душанбе, 15 июни соли 2022, № 752

 

 

ҚАРОРИ МАҶЛИСИ МИЛЛИИ 

МАҶЛИСИ ОЛИИ ҶУМҲУРИИ ТОҶИКИСТОН

Оид ба Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси замини Ҷумҳурии Тоҷикистон»

Мутобиқи моддаи 60 Конститутсияи Ҷумҳурии Тоҷикистон ва              моддаи 59 Қонуни конститутсионии Ҷумҳурии Тоҷикистон «Дар бораи                      Маҷлиси Олии Ҷумҳурии Тоҷикистон» Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси замини Ҷумҳурии Тоҷикистон»-ро баррасӣ намуда, қарор мекунад: 

Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси замини Ҷумҳурии Тоҷикистон» ҷонибдорӣ карда шавад.

 

Раиси Маҷлиси миллии 

Маҷлиси Олии Ҷумҳурии Тоҷикистон       Рустами ЭМОМАЛӢ

ш. Душанбе, 15 июли соли 2022, № 296