RT. Кэтрин Колонна, вазири корҳои хориҷии Фаронса гуфт, канораҷӯӣ аз Россия "бадтарин сиёсат" аст, баръакс, бояд  муколамаро нигоҳ дошт. Ӯ афзуд, ки рӯзе низоъ хотима меёбад ва "Россия ҳамеша ҳамсояи Фаронса боқӣ хоҳад монд". Вай, инчунин, таъкид кард, ки ба шарофати муколама бо ҷониби Россия сафари миссияи МАГАТЭ ба НБА “Запорожйе” имконпазир гардид.

 

Мир 24. Дар ҷаҳон аввалин амалиёти бомуваффақияти пайванди рӯдаро аз шахси фавтида табибони испанӣ дар беморхонаи Ла Паси Мадрид анҷом доданд. Ин узвро ба духтарчаи 13-моҳаи гирифтори норасоии рӯда пайванд карданд. Кӯдак, аллакай, аз беморхона ҷавоб шудааст.

 

RT. Дар мусоҳиба бо 24TV намояндаи расмии Роҳбари Туркия Иброҳим Калин хабар дод, ки Президенти кишвар Реҷеп Тайип Эрдоган ният  дорад, бо ҳамтои русаш Владимир Путин дар Остона дурнамои миёнаравии Туркия дар Украинаро баррасӣ намояд. 

 

NTERFAX.RU. Бо ибтикори ҷониби Россия 14 октябр дар Остона мулоқоти Арарат Мирзоян, вазири корҳои хориҷии Арманистон, Сергей Лавров, вазири корҳои хориҷии Россия ва Ҷейҳун Байрамов вазири корҳои хориҷии Озарбойҷон, дар назар аст.