маориф
Донишҷӯён аз технологияи иттилоотӣ самаранок истифода мебаранд
Файзалӣ Комилов, ректори Донишкадаи соҳибкорӣ ва хизмат, зимни нишасти матбуотӣ иброз дошт, ки 174 омӯзгор, аз ҷумла 16 доктор ва 49 номзади илм ба таълиму тарбияи 3942 донишҷӯ машғул аст. Соли равон 816 донишҷӯ ба шӯъбаҳои рӯзона ва ғоибона қабул шуд.
Сол ба сол теъдоди донишҷӯёни аълохон меафзояд ва онҳо дар ҷараёни таълим аз технологияҳои нави иттилоотӣ: компютер, интернет ва дигар воситаҳои электронӣ самаранок истифода мебаранд. Матни лексияҳои қисми зиёди устодон дар компютерҳо сабт ёфтаанд ва донишҷӯён аз онҳо баҳраваранд.
Файзалӣ Комилов ба саволҳои хабарнигорон оид ба омӯзиши забонҳои хориҷӣ посух дода, гуфт, ки дар аксари созмонҳои байналмилалӣ хатмкардагони донишкада бомуваффақият фаъолият доранд ва ин далели забондонӣ ва хуб ба роҳ мондани фарогирии забонҳои англисӣ, фаронсавӣ ва русист.
М. САФАР, «Ҷумҳурият»
Баёни ақида (0) Санаи нашр: №: Мутолиа карданд: 7367
