logo

қонунҳои ҶТ

ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРОТУ ИЛОВА БА ҚОНУНИ ҶУМҲУРИИ ТОҶИКИСТОН «ДАР БОРАИ ФАЪОЛИЯТИ ЭҲСОНКОРӢ»

 
Моддаи 1. Ба Қонуни Ҷумҳурии Тоҷикистон «Дар бораи фаъолияти эҳсонкорӣ» аз 22 апрели соли 2003 (Ахбори Маҷлиси Олии Ҷумҳурии Тоҷикистон, с. 2003, №4, мод. 148; с. 2018, №1, мод. 23) тағйироту иловаи зерин ворид карда шаванд: 
1. Муқаддима дар таҳрири зерин ифода карда шавад:
«Қонуни мазкур асосҳои ташкилӣ ва ҳуқуқии танзими фаъолияти эҳсонкориро бо мақсади ривоҷ додани он муқаррар намуда, дастгирии давлатиро дар ин самт пешбинӣ менамояд.».
2. Дар моддаи 2: 
- бандҳои дуюм ва сеюм хориҷ карда шаванд;
- дар бандҳои панҷум ва шашум калимаҳои «Эҳсонгирҳо» ва «эҳсонгирҳо» ба калимаҳои «Эҳсонгирандагон» ва «эҳсонгирандагон» иваз карда шаванд;
- бандҳои ҳафтум ва ҳаштум дар таҳрири зерин ифода карда шаванд:
«Фонди эҳсонкорӣ – ташкилоти ғайритиҷоратии узвиятнадоштае, ки аз ҷониби шаҳрвандон ё шахси ҳуқуқӣ дар асоси пардохти ихтиёрии молумулкӣ таъсис дода шуда, мақсадаш эҳсонкорӣ мебошад.
Грант – воситаҳои пулӣ ва (ё) молу мулки дигаре, ки ройгон ва бебозгашт барои ноил шудан ба ҳадафҳои муайян тибқи қонунгузории Ҷумҳурии Тоҷикистон дода мешаванд.».
3. Дар банди якум ва сархати якуми банди чоруми моддаи 2, сархати ҳафтуми моддаи 10, қисми дуюми моддаи 13, қисми панҷуми моддаи 14, қисми сеюми моддаи 15, ном ва матни моддаи 17, ном, қисмҳои дуюм ва панҷуми моддаи 18 ва қисми сеюми моддаи 22 калимаҳои «молу амвол», «амволи», «амвол», «амволеро» ва «Амволи» мувофиқан ба калимаҳои «молу мулк», «молу мулки», «молу мулкеро» ва «Молу мулки» иваз карда шаванд.
4. Дар сархати дуюми моддаи 5 калимаи «(эҳсонгирҳо)» ба калимаи «(эҳсонгирандагон)» иваз карда шавад.
5. Қисми дуюми моддаи 6 хориҷ карда шавад.
6. Дар қисми дуюми моддаи 8 калимаҳои «корхонаҳои давлатӣ ва муассисаҳо» ба калимаҳои «корхонаҳо ва муассисаҳои давлатӣ» иваз карда шаванд.
7. Дар сархати якуми моддаи 10 калимаи «вазифаҳои» ба калимаҳои «шакли ташкилию ҳуқуқии» иваз карда шавад.
8. Дар моддаи 12:
- дар қисми якум аломат ва калимаҳои «, мақоми дастаҷамъии он (маҷлиси умумӣ)» ба калимаҳои «маҷлиси умумӣ» иваз карда шаванд;
- дар сарахти дуюми қисми сеюм калимаҳои «назоратӣ-тафтишотӣ» ба калимаҳои «назоратию тафтишӣ» иваз карда шаванд.
9. Дар қисми чоруми моддаи 14, сархати ҳаштуми моддаи 17 ва қисми дуюми моддаи 22 калимаи «эҳсонкор» ба калимаи «эҳсонкорӣ» иваз карда шавад.
10. Дар моддаи 16:
- номи модда дар таҳрири зерин ифода карда шавад:
«Моддаи 16. Иттифоқҳои (ассотсиатсияҳои, шуроҳои) ташкилотҳои эҳсонкорӣ»;
- дар матни модда калимаҳои «иттиҳодияҳо (ассотсиатсия ва иттифоқҳо)», «иттиҳодияҳои (ассотсиатсия ва иттифоқҳои)», «Иттиҳодияҳои (ассотсиатсия ва иттифоқҳои)» мувофиқан ба калимаҳои «иттифоқҳо (ассотсиатсияҳо, шуроҳо)», «иттифоқҳои (ассотсиатсияҳои, шуроҳои)» ва «Иттифоқҳои (ассотсиатсияҳои ва шуроҳои)» иваз карда шаванд.
11. Дар сархати даҳуми моддаи 17, қисми сеюми моддаи 19 ва қисмҳои дуюм ва сеюми моддаи 20 калимаҳои «вобастааст» ва «ҳаққи» мувофиқан ба калимаҳои «вобаста аст» ва «музди» иваз карда шаванд.
12. Дар моддаи 18:
- қисми якум дар таҳрири зерин ифода карда шавад:
«Ташкилоти эҳсонкорӣ метавонад ҳамчун моликият ё дигар ҳуқуқи молумулкӣ биноҳо, иншоот, таҷҳизот, маблағҳои пулӣ, коғазҳои қиматнок, захираҳои иттилоотӣ, натиҷаҳои фаъолияти зеҳнӣ ва дигар навъҳои молу мулкро дошта бошад, агар қонунгузории Ҷумҳурии Тоҷикистон тартиби дигареро муайян накарда бошад.»;
 - дар қисмҳои дуюм ва сеюм калимаҳои «Ташкилоти эҳсонкор» ва «ҳаққи» мувофиқан ба калимаҳои «Ташкилоти эҳсонкорӣ» ва «музди» иваз карда шаванд.
 13. Ба моддаи 19 қисми шашум бо мазмуни зерин илова карда шавад:
 «Дар ҳолати барзиёд шудани қисми даромад аз қисми хароҷоти буҷети ташкилоти эҳсонкорӣ  маблағи барзиёд набояд байни муассисон тақсим карда шавад, балки барои амалӣ гардонидани мақсадҳои ташкилот равона гардад.».  
14. Қисми сеюми моддаи 21 дар таҳрири зерин ифода карда шавад:
«Мақомоти марказӣ ва маҳаллии ҳокимияти давлатӣ метавонанд иштирокчиёни фаъолияти эҳсонкориро тибқи тартиби муқарраршуда бо чунин роҳҳо дастгирӣ намоянд:
- пешниҳод намудан барои гирифтани мукофотҳои давлатии Ҷумҳурии Тоҷикистон ва мукофотҳои соҳавӣ;
- додани имтиёзҳои андозӣ, гумрукӣ ва дигар имтиёзҳо, ки қонунгузории Ҷумҳурии Тоҷикистон муқаррар намудааст;
- маблағгузории барномаҳои эҳсонкорӣ дар асоси натиҷаи озмунҳои эълоншуда;
- ройгон ё дар асоси имтиёзҳо ба иҷора додани иншооти давлатӣ барои истифодаи мақсаднок.».
15. Ҷумлаи якуми қисми якуми моддаи 22 дар таҳрири зерин ифода карда шавад:
«Мақоми давлатие, ки ташкилоти эҳсонкориро ба қайд гирифтааст риояи оинномаи онро назорат мекунад.».
Моддаи 2. Қонуни мазкур пас аз интишори расмӣ мавриди амал қарор дода шавад.
 
Президенти
Ҷумҳурии Тоҷикистон Эмомалӣ РАҲМОН
ш. Душанбе, 24 декабри соли 2022, № 1940
 
Қарори Маҷлиси намояндагони 
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон 
«Оид ба ворид намудани тағйироту илова ба Қонуни Ҷумҳурии Тоҷикистон «Дар бораи фаъолияти эҳсонкорӣ»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи фаъолияти эҳсонкорӣ» қабул карда шавад. 
 
Муовини якуми Раиси Маҷлиси намояндагони
Маҷлиси Олии Ҷумҳурии Тоҷикистон М. ВАТАНЗОДА
ш. Душанбе, 12 октябри соли 2022, № 881
 
Қарори Маҷлиси миллии 
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи фаъолияти эҳсонкорӣ»
Мутобиқи моддаи 60 Конститутсияи Ҷумҳурии Тоҷикистон ва моддаи 59 Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи фаъолияти эҳсонкорӣ»-ро баррасӣ намуда, қарор мекунад: 
Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи фаъолияти эҳсонкорӣ» ҷонибдорӣ карда шавад.
 
Раиси Маҷлиси миллии Маҷлиси 
Олии Ҷумҳурии Тоҷикистон Рустами ЭМОМАЛӢ
ш. Душанбе, 16 декабри соли 2022, № 335
 


Баёни ақида (0)    Санаи нашр: 04.01.2023    №: 10-11    Мутолиа карданд: 662
31.01.2023


ДАВЛАТАЛӢ САИД ДАР ШАҲРИ КӮЛОБ

АЗ НИШАСТҲОИ МАТБУОТӢ

ВАО: “Теъдоди қурбониёни ҳамлаи террористи маргталаб дар Пешовар ба 72 нафар расид”

Ҷаҳон дар як сатр

ТАҶЛИЛИ БОШУКӮҲИ САДА ДАР ХАТЛОН

НАМОЯНДАИ ШИРКАТИ CNPC ДАР ХАТЛОН

ХАТЛОН. БАРДОШТИ ИХТИСОСӢ АЗ ҶАЛАСАИ НАЗОРАТӢ

СОЗМОНИ ҲАМКОРИИ ИҚТИСОДӢ. ТОҶИКИСТОН ДАР ТАҲКИМИ ФАЪОЛИЯТИ СОЗМОН НАҚШИ МУАССИР ДОРАД

27.01.2023


БМТ. ПАЁМ САРМАШҚИ ФАЪОЛИЯТ ХОҲАД БУД

25.01.2023


Вохӯрии вазирони корҳои хориҷии Тоҷикистон ва Ӯзбекистон

ТАЪСИСИ АВВАЛИН МАРКАЗИ ҒИЗОИ МАКТАБӢ

МУЛОҚОТ БО САФИРИ ҚАЗОҚИСТОН

23.01.2023


Ҷаҳон дар як сатр

14 май дар Туркия интихоботи президентӣ баргузор мешавад

«САЪБА»

17.01.2023


САМАРАНОКИИ ФАЪОЛИЯТ ВА ШАФФОФИЯТ

Мулоқоти Имангали Тасмагамбетов бо Сергей Поспелов

Игор Черевченко – сармураббии “Истиқлол”

16.01.2023


БОЗИҲОИ ОЛИМПӢ-2024

13.01.2023


ШАМЪИ ХОТИРА

11.01.2023


Муроҷиатномаи Раиси шаҳри Душанбе ба сокинони пойтахт

Санаи муҳорибаи аввалини Нурулло дар UFC аниқ шуд

ХОРУҒ. ҶАЛАСАИ ҶАМЪБАСТИ ФАЪОЛИЯТИ СОЛОНА

10.01.2023


БА АЗНАВБАҚАЙДГИРИИ СИМКОРТҲО МУҲЛАТИ КАМ МОНД

ҲИСОР. ДАР АРАФАИ СОЛИ НАВ 217 СОКИНИ ШАҲР СОҲИБИ ЗАМИН ШУД

ДБССТ. ҲАМКОРИҲОИ БАЙНАЛМИЛАЛӢ ВУ-СЪАТИ ТОЗА МЕГИРАНД

Пешниҳоди Александр Лукашенко

Ҷаҳон дар як сатр

ҶИУ-ҶИТСУ

Таҳкими ҳамкориҳои Тоҷикистон ва Ӯзбекистон

ТЕННИС

БОХТАР. ҒОЛИБОНИ ОЗМУНҲО ҚАДР ШУДАНД

ФАЙЗОБОД. ШАРҲУ ТАВЗЕҲИ ПАЁМ

09.01.2023


ХОРУҒ. БО ДАСТУРИ РУСТАМИ ЭМОМАЛӢ ДАР МАҲАЛЛАИ ТИРЧИД КӮДАКИСТОН СОХТА МЕШАВАД

03.01.2023


«ВЗЛЁТ ПЕРЕД ЗАКАТОМ»


Дар сомонаҳои дигари Тоҷикистон хонед