Ғалабаи Ҷокович дар ATP-250

Новак Ҷоковичи сербӣ, дорандаи 21 «Тоскулоҳи бузург», ки ракеткаи панҷуми ҷаҳон аст, дар мусобиқоти ATP-250 (Аделаида, Австралия) пирӯзӣ ба даст овард. 

Тибқи иттилои сомонаи championat.com, Ҷокович дар финал бо ҳисоби 2:1 (6:7 (8:10), 7:6 (7:3), 6:4) бар ракеткаи 33-юми ҷаҳон Себастян  Корда (ИМА) ғолиб омад. 

 

 

 

ФУТБОЛ

Дешам то соли 2026 дар мунтахаби Франсия мемонад

Бар пояи маълумоти сомонаи расмии Федератсияи футболи Франсия, Диде Дешам корномаи мураббигиашро дар тими миллии Франсия идома медиҳад. 

Федератсияи футболи Франсия дар мавриди тамдидкунии шартнома то моҳи июни соли  2026 бо ин мутахассис хабар дод. 

Ёдовар мешавем, ки Дешам роҳбарии мунтахаби Фаронсаро аз соли 2012 бар уҳда гирифта, бо тими миллӣ дар Ҷоми ҷаҳон-2018 ва Лигаи миллатҳо-2021 пирӯз гашта, инчунин, финалисти Чемпионати Аврупо-2016 ва Ҷоми ҷаҳон-2022 мебошад. 

 

 

 

Месси боз беҳтарин варзишгари сол  дониста шуд

 

Аз рӯи фарзияи нашрияи маъруфи L’Equipe, Лионел Месси беҳтарин варзишгари соли 2022 эътироф гардид. 

Футболбози 35-сола дар ҳайати мунтахаби Аргентина чемпиони ҷаҳон гардида, ҳамчунин, беҳтарин бозигар шуда буд. 

Тибқи овоздиҳӣ, мақомҳои дуюму сеюмро футболбози фаронсавӣ Килиан Мбаппе ва теннисбози испанӣ Рафаэл Надал касб карданд. 

Ҷоизаи беҳтарин варзишгари сол аз ҷониби нашрияи L’Еquipe аз соли 1946 инҷониб дар Фаронса ва аз соли 1975 барои тамоми олам супорида мешавад.

Ёдовар мешавем, ки қаблан Месси тибқи фарзияи BBC Sports варзишгари соли 2022 дониста шуда буд.

 

Маҳмуд БАҲРОМ, шореҳи варзиш