Размикори 23-солаи тоҷик Нурулло Алиев аввалин набарди худро дар созмони UFC Fight Night 220 муқобили Рафаэл Алвес (Бразилия) анҷом медиҳад. 

Бар пояи маълумоти сомонаи созмон, муҳориба 26 феврал дар шаҳри Лас-Вегаси ИМА баргузор мегардад. 

Бояд гуфт, ки моҳи сентябри соли 2022 Нурулло баъди пирӯзӣ дар сабқатҳои Dana White's Contender Series муқобили Ҷош Уик бо ширкати UFC шартнома имзо намуда, аввалин размгари тоҷик дар ин лига аз Тоҷикистон гардид.

 

 

 

«ТАЪТИЛИ ЗИМИСТОНА-2023» 

“Солор” ва “Поиск” – ғолибони мусобиқа

Дастаҳои “Солор” (миёни футболбозони соли таваллудашон 2010) ва “Поиск” (байни футболбозони соли таваллудашон 2011) дар мусобиқаи футбол таҳти унвони «Таътили зимистона-2023» пирӯз шуданд. 

Тибқи иттилои ФФТ, бозиҳо дар майдони захиравии Варзишгоҳи марказии ҷумҳуриявии шаҳри Душанбе баргузор гаштанд.

Миёни футболбозони соли таваллудашон 2010 мақомҳои дуюму сеюмро дастпарварони «Истиқлол» (мураббӣ Ҷаҳонгир Ҷабборов) ва «Поиск» (Зайниддин Раҳимов) ба даст оварданд.

Байни бозигарони 11-сола тимҳои «Солор» (Азамат Шодиев) ва «Ҷавонон» (Парвиз Сайфуллоев) барандагони медалҳои нуқра ва биринҷӣ гардиданд.

 

 

 

Карло Анчелотти – беҳтарин мураббии соли 2022

Тибқи фарзияи Федератсияи байналмилалии таърих ва омори футбол (IFFHS), сармураббии тими “Реал” (Мадрид) Карло Анчелотти беҳтарин мураббӣ дар сатҳи клуб барои соли 2022 эътироф гардид. 

Зери роҳбарии Анчелотти соли гузашта “Реал” ғолиби Лигаи чемпионҳо ва қаҳрамони Испания шуда буд. 

Коршиноси итолиёвӣ бори сеюм дар фаъолияти худ унвони беҳтарин мураббии солро гирифт. 

Ҳамин тариқ, дар топ панҷ Хосеп Гвардиола («Манчестер Сити»), Валид Реграги («Видад»), Юрген Клопп («Ливерпул») ва Жозе Моуриню (“Рома”) шомил шуданд.

 

Маҳмуд БАҲРОМ, шореҳи варзиш