Футболбозбонувони тоҷик барои роҳхат талош мекунанд

Тибқи натиҷаи қуръакашии марҳилаи аввали мусобиқаи интихобии Бозиҳои олимпӣ-2024 оид ба футболи бонувон, мунтахаби Тоҷикистон дар гурӯҳи «Е» бо тимҳои Филиппин, Ҳонконг ва Покистон рақобат мекунад. 

Дар марҳилаи аввали интихобӣ 26 дастаи занона ба ҳафт гурӯҳ тақсим мешавад: панҷ гурӯҳ иборат аз чор даста ва ду гурӯҳ иборат аз се даста. Бозиҳо аз 3 то 11 апрел доир мегарданд.

Ғолибони ҳафт гурӯҳ ба марҳилаи дуюми интихобӣ роҳ меёбанд, ки дар он панҷ дастаи беҳтарини Осиё – ҶХД Корея, Ҷопон, Австралия, Чин ва Ҷумҳурии Корея ба рақобат ҳамроҳ мешаванд.

Чаҳор дастаи беҳтарини марҳилаи дуюми интихобӣ дар марҳилаи сеюм бо ҳам вомехӯранд. Дастаҳо ба ду ҷуфт тақсим шуда, ду бозигӣ анҷом дода, ғолибони ҷуфтҳо ҳаққи ширкат дар Олимпиадаро пайдо мекунанд. 

 

 

 

СУПЕРҶОМИ ИСПАНИЯ

“Барселона” бори 14-ум ғолиб омад

Дар финали Суперҷоми Испания, ки дар варзишгоҳи «King Fahd Stadium» (Ар-Риёз, Арабистони Саудӣ) баргузор гардид, дастаи “Барселона” бар “Реал” (Мадрид) бо ҳисоби 3:1  зафар ёфт. 

Голҳоро аз ҳайати ғолибон Гави, Роберт Левандовский ва Педри заданд. Тӯби ягонаи дастаи шоҳонаро Карим Бензема ба самар расонд. 

Ҳамин тавр, «Барселона» аввалин ҷоизаи худро зери роҳбарии Хави, ки аз моҳи ноябри соли 2021 фаъолият мекунад, ба даст овард. 

Дар маҷмуъ, дастаи каталонӣ бори 14-ум барандаи Суперҷом гашт. «Реал» бошад, дар ҳисоби худ 12-то Суперҷом дорад. 

 

 

 

ТЕННИС

Ғалабаи Бенчич бар Даря дар финали WTA-500

Теннисбози россиягӣ Даря Касаткина дар финали мусобиқоти WTA-500 (Аделаида, Австралия) ба таври ҳангомавӣ аз Белинде Бенчич (Швейтсария) бо ҳисоби 2:0 (0:6, 2:6) шикаст хӯрд. 

Бино ба маълумоти сомонаи www.sports.ru, ин ҳафтумин ҷоиза дар корномаи Белинде Бенчич мебошад.

 

Маҳмуд БАҲРОМ, шореҳи варзиш