сафарҳо
Сафари кории Сарвари мамлакат Эмомалӣ Раҳмон ба ноҳияҳои Ҳисор ва Рӯдакӣ
Субҳи 30 август Президенти Ҷумҳурии Тоҷикистон Эмомалӣ Раҳмон бо сафари корӣ аз ноҳияҳои Ҳисор ва Рӯдакӣ дидан кард.
Нахуст Эмомалӣ Раҳмон дар ноҳияи Ҳисор дар маросими ифтитоҳи мактаби нави рақами 24 ширкат варзид. Мактаб дуошёна буда, барои 1248 хонанда дар ду баст бунёд карда шудааст. Сохтмони бинои он ҳанӯз дар соли 1989 оғоз ёфта, бо сабабҳои маълум рафти корҳо хобонда шуда буд.
Ҳукумати ҷумҳурӣ барои ба анҷом расонидани он беш аз 7 миллион сомонӣ ҷудо намуд. Баъди маросими ба истифода додани мактаби нав Сарвари давлат Эмомалӣ Раҳмон бо ҳайати омӯзгорон, толибилмон ва сокинон сӯҳбати озоду самимӣ доир намуд.
Ҳамчунин Президенти ҷумҳурӣ Эмомалӣ Раҳмон дар ноҳияи Рӯдакӣ аз мактаби таҳсилоти умумии № 123 дидан карда, ба оғози он расман иҷозат дод.
Мактаб дар деҳаи Меҳробод воқеъ буда, аз се бинои таълимӣ, 16 синфхона, аз ҷумла синфхонаҳои лингафонӣ, компютерӣ, мусиқӣ, ҳуҷраҳои маъмурӣ, китобхона, толори варзишӣ бо тамоми таҷҳизоташ, ошхона ва толори маҷлисҳо иборат мебошад.
Дар мактаби мазкур дар ду баст 928 хонанда таълим мегирад.
(Гузориши муфассал аз сафари кории Сарвари давлат Эмомалӣ Раҳмон ба ноҳияҳои Ҳисор ва Рӯдакӣ дар шумораи ояндаи рӯзнома дарҷ карда мешавад).
Хабарнигори “Ҷумҳурият”
Баёни ақида (0) Санаи нашр: №: Мутолиа карданд: 2048
