энергетика
Интиқоли барқи Тоҷикистон ба Афғонистон
Муносибатҳои Ҷумҳурии Тоҷикистон бо Ҷумҳурии Исломии Афғонистон рӯз ба рӯз густариш меёбанд.
Яке аз чунин пешравиҳо дар соҳаи энергетика ба назар мерасад. Аз Ҷумҳурии Тоҷикистон ба Ҷумҳурии Исломии Афғонистон аз нимаи дуюми соли 2008 аз истгоҳи барқии «Помирэнерҷӣ»-и шаҳри Хоруғ ба вилоятҳои ҳаммарзи Афғонистон нерӯи барқ интиқол дода мешавад.
То аввали моҳи августи соли 2010 490 оилаи деҳаҳои Башор ва Деҳмурғони ноҳияи Шуғнони ҶИА аз ҷумҳурии мо барқ мегирифт. Имрӯз ширкати сохтмонии «Барқсоз»-и ноҳияи Рӯдакии ҶТ дар деҳаи Саричашмаи ин ноҳия барои 530 оилаи дигар хати барқ кашида истодааст.
Аллакай зиёда аз 700 адад симчӯб насб шуд, дар рӯзҳои наздик ҳамаи симчӯбҳо, яъне 930 адад насб хоҳад гардид. Бо дархости мақомоти вилояти Бадахшони Ҷумҳурии Исломии Афғонистон масъалаи интиқоли нерӯи барқ ба се ноҳияи дигари ин вилоят - Нисай, Ишкошим ва Зебок дар ҳоли баррасии мақомоти Тоҷикистон қарор дорад.
Баёни ақида (0) Санаи нашр: №: Мутолиа карданд: 4902
